एनआरएनए जापानको अध्यक्ष पदका बलिया प्रतिस्पर्धी 'सुवास लामिछाने'

समाचार

गृहपृष्ठ
समाचार

एनआरएनए जापान निर्वाचन एनआरएनए जापानको अध्यक्ष पदका बलिया प्रतिस्पर्धी 'सुवास लामिछाने'

ईडीयू सवाल आइतबार, साउन ४, २०८२

काठमाडाैँ- गैरआवासीय नेपाली संघ (एनआरएनए) जापानको आगामी कार्यकाल (२०२५-२०२७) का लागि अध्यक्ष पदमा सुवास लामिछाने बलियाे प्रतिस्पर्धीका रुपमा देखिएका छन्। संस्थागत सुधार, पारदर्शिता र समावेशीतालाई प्राथमिकतामा राख्दै लामिछाने सामाजिक नेतृत्व र युवा केन्द्रित दृष्टिकोणका कारण उनका प्रतिद्वन्दी शिद्धार्थ श्रेष्ठ भन्दा बलियाे प्रतिस्पर्धीकाे देखिएकाे हुन्।

पर्वतको कुश्मामा जन्मिएका लामिछाने सन् २००७ मा जापान पुगेका थिए। व्यवस्थापनमा स्नातक तहको अध्ययनपछि उहाले जापानमा होटल म्यानेजमेन्टको तालिम लिएर सन् २०११ देखि रेस्टुरेन्ट व्यवसाय सञ्चालन गर्दै आएका छन्।पर्वत जापान समाजको अध्यक्ष पदमा सर्वसम्मत चयन भएका उनी सन् २०२१-२०२३ मा एनआरएनए प्रवक्ता, र हाल (२०२३–२०२५) उपाध्यक्षको जिम्मेवारीमा छन्।

लामिछाने एनआरएन जापानका उपाध्यक्षको भूमिकामा रहँदा जापानभर १३ वटा घुम्ती सेवा संयोजनमार्फत स्वास्थ्य तथा सामाजिक सहायता कार्यक्रम सञ्चालन गरेका थिए, जसबाट ७ हजारभन्दा बढी नेपाली लाभान्वित भएका थिए। साथै, नेपालमा भूकम्प पीडित विद्यार्थीहरूको शिक्षाका लागि संकलित २३ लाख जापानी येनको शैक्षिक कोष हस्तान्तरण गरेका थिए।

उनले दुईवटा नेपाल फेस्टिवलको सफल आयोजना र स्टल व्यवस्थापनमा समेत नेतृत्वदायी भूमिका खेलेका छन्। आगामी महाधिवेशन जुलाई २० मा हुने भएपछि उनले ‘समर्पित, जवाफदेही र उद्देश्यप्रेरित नेतृत्व’ को नारासहित उम्मेदवारी अघि सारेका हुन्।

उनले जापानी भाषा सिक्दै गइरहेका नेपाली विद्यार्थीलाई सहयोगका लागि स्वयंसेवक संयोजन गर्नुका साथै जापानी विद्यालयहरूसँग तालमेल गरेर विद्यार्थी सहायता कार्यक्रम चलाउँदै आएका छन्।

“राजनीतिक होइन, सामाजिक नेतृत्व आवश्यक छ। युवा शक्ति, समावेशी सोच र पारदर्शी कार्यशैलीमार्फत एनआरएन जापानलाई पुनर्जागृत बनाउने मेरो प्रतिबद्धता छ,” लामिछानेले बताए। उनी सामाजिक उत्तरदायित्व, नेतृत्व क्षमता र स्पष्ट योजनाका आधारमा एनआरएनए जापानको अध्यक्ष पदका लागि बलिया प्रतिस्पर्धीका रूपमा देखिएका छन्।