यी हुन् काठमाडौँ महानगर भित्रका नाम, स्थान र स्वामित्व परिवर्तन गर्ने विद्यालयहरू

समाचार

गृहपृष्ठ
समाचार

यी हुन् काठमाडौँ महानगर भित्रका नाम, स्थान र स्वामित्व परिवर्तन गर्ने विद्यालयहरू

ईडीयू सवाल बुधबार, साउन २८, २०८२

काठमाडाैँ - काठमाडौँ महानगरपालिकाले आफ्नो क्षेत्रभित्र सञ्चालित केहि संस्थागत विद्यालयले नाम, स्थान र स्वामित्व परिवर्तनका लागि दिएको निवेदनउपर दाबी-विरोध गर्न आह्वान गरेको छ। महानगरको शिक्षा विभागले मंगलबार एक सार्वजनिक सूचना जारी गर्दै सम्बन्धित व्यक्ति वा संस्थालाई ३५ दिनभित्र आफ्नो दाबी वा विरोध लिखित रूपमा पेस गर्न अनुरोध गरेको हो।

विभिन्न विद्यालयहरूले कम्पनी रजिस्ट्रारको कार्यालयबाट समेत नाम, स्थान र स्वामित्व परिवर्तनको प्रक्रिया अघि बढाएपछि महानगरमा निवेदन दिएका थिए। सोही निवेदनका आधारमा महानगरले कुनै पनि सरोकारवालाको दाबी वा विरोध भए प्रमाणसहित पेस गर्न ३५ दिनको समय दिएको हो। यदि तोकिएको समयभित्र कुनै दाबी-विरोध नपरेमा निवेदकको मागअनुसार प्रक्रिया अगाडि बढाइने तर यो सूचना मात्रै परिवर्तनको अन्तिम स्वीकृति नभएको पनि महानगरले स्पष्ट पारेको छ।

जसमा एज्जल बोर्डिङ स्कुलले स्टेप वाई स्टेप स्कुल, वेष्ट मन्टेश्वरी इन्टरनेशनल स्कुलले अविन स्कुल, विद्याकुञ्ज कलेजले चैतन्य संस्कार शिक्षालय र सगरमाथा मल्टिपल कलेजले सगरमाथा कलेज नाम परिवर्तन गर्न प्रस्ताव गरेको छ।

स्थान परिवर्तनका लागि एज्जल बोर्डिङ स्कुल : हाल का.म.न.पा -२९, भोटेबहालमा रहेको र अब का.म.न.पा.-१०, मध्य बानेश्वर र कृत एकेडेमी : हाल का.म.न.पा.-१६, बालाजुबाट का.म.न.पा.-०३, बसुन्धारामा स्थानान्तरण गर्न निवेदन दिएकाे छ।

स्वामित्व परिवर्तन हुने विद्यालयहरू:

सूचना अनुसार, तीन वटा विद्यालयले आफ्नो स्वामित्व पूर्ण रूपमा वा आंशिक रूपमा परिवर्तन गर्न निवेदन दिएका छन्, जसमा ठुलो सङ्ख्यामा नयाँ लगानीकर्ताहरू भित्रिँदै छन्।

एज्जल बोर्डिङ स्कुलः साविकका २ जना स्वामित्व धनीबाट २ जना नयाँ स्वामित्व धनीमा हस्तान्तरण हुँदैछ। वेष्ट मन्टेसरी इन्टरनेशनल स्कुलः साविकका ३ जना स्वामित्व धनीबाट १० जनाको नयाँ समूहमा स्वामित्व हस्तान्तरण गर्न लागिएको छ।

विद्याकुञ्ज कलेजः साविकका २ जना स्वामित्व धनीबाट ७ जनाको नयाँ समूहमा स्वामित्व परिवर्तनको प्रक्रिया अघि बढाइएको छ।