इलामका अधिकांश पालिकाकाे शैक्षिक संस्थामा शोक बिदा

विद्यालय

गृहपृष्ठ
विद्यालय

इलामका अधिकांश पालिकाकाे शैक्षिक संस्थामा शोक बिदा

ईडीयू सवाल बिहीबार, भदौ २६, २०८२

काठमाडाैँ - जेनजीको प्रदर्शनका क्रममा मृत्यु भएका विद्यार्थीको आत्मा शान्तिको कामना गर्दै इलामको रोङ गाउँपालिकाले शोक बिदा दिएका छ। स्थानीय पालिकाले विज्ञप्ती जारी गर्दै मृत्यु भएका विद्यार्थीको आत्मा शान्तिको कामना गर्दै संस्थागत तथा सामुदायिक विद्यालयमा बिदा दिएका हुन्।

गाउँपालिकाले हिजै विज्ञप्ती निकाली विद्यालय बन्द रहने जनाएको थियो। गाउँपालिका अध्यक्ष मनिकुमार स्याङबोले जेनजी समुहका माग पूरा गर्न सरकार लाग्नु पर्ने जनाउदै शोक बिदा दिएको जानकारी दिए।

यस्तै सूर्योदय नगरपालिकाले पनि आज एक दिन पालिका भित्रका अति आवश्यक बाहेक कार्यालय र विद्यालयमा शोक बिदा दिएको छ। नगर प्रमुख रण बहादुर राईले विज्ञप्ति जारी गर्दै जेनजी समूहका माग सम्बोधन गर्न सरकारले ध्यान दिनुपर्ने बताएका छन्।

इलाम नगरपालिकाका नगर प्रमुख केदार थापाले जेनजी आन्दोलनमा ऐक्यबद्धता जनाउदै शोक बिदा दिएको विज्ञप्ति निकालेका छ। इलामको सन्दकपुर गाउँपालिका, माङसेबुङ गाउँपालिका, चुलाचुली गाउँपालिकाले शोक बिदा दिएका छन्। माङसेबुङ गाउँपालिकाले आज र भोली दुई दिन विद्यालय बन्द गर्ने निर्णय गरेको विज्ञप्तिमा जनाएको छ।

इलाममा हिजो सामान्य पदर्शन भएकोमा आज धेरै जसो स्थानमा प्रदर्शनको तयारी भएको छ। प्रदर्शनको तयारी भएपछि सुरक्षा व्यवस्था कडा पारीएको स्थानीय प्रशासनले जनाएको छ।

प्रकाशित मिति: बिहीबार, भदौ २६, २०८२ ११:४२