चार स्वास्थ्य विज्ञान प्रतिष्ठानको उपलकुपतिका लागि २४ जना सर्टलिस्टमा

नतिजा

गृहपृष्ठ
नतिजा

चार स्वास्थ्य विज्ञान प्रतिष्ठानको उपलकुपतिका लागि २४ जना सर्टलिस्टमा

ईडीयू सवाल बुधबार, साउन २१, २०८२

काठमाडाैँ - स्वास्थ्य तथा जनसङ्ख्या मन्त्रालयले चार स्वास्थ्य विज्ञान प्रतिष्ठानको उपलकुपतिका लागि २४ जनाको नाम सर्टलिस्ट गरेको छ।

मन्त्रालयले बिपी कोइराला स्वास्थ्य विज्ञान प्रतिष्ठान(धरान), कर्णाली स्वास्थ्य विज्ञान प्रतिष्ठान, पोखरा स्वास्थ्य विज्ञान प्रतिष्ठान र पाटन स्वास्थ्य विज्ञान प्रतिष्ठानमा उपकुलपतिका लागि आवेदन दिएका मध्ये २४ जनाको नाम सर्टलिस्ट गरेको हो। मन्त्रालयले चार स्वास्थ्य विज्ञान प्रतिष्ठानका रिक्त उपकुलपति पदका लागि असार चार गते दरखास्त आव्हान गरेको थियो।

उपकुलपति सिफारिस समितिको मङ्गलबारको निर्णय अनुसार आवेदन पेस गरेका उम्मेदवारमध्ये कार्ययोजना प्रस्तुतीकरण र अन्तवार्ताका लागि प्रत्येक प्रतिष्ठानबाट ६ ६ जनाको नाम सर्टलिस्ट गरेको छ। चार स्वास्थ्य विज्ञान प्रतिष्ठानका उपकुलपति पदका लागि ५५ जनाको आवेदन परेको मन्त्रालयले जनाएकोे छ।

मन्त्रालयले सर्ट लिस्टमा परेका उम्मेदवारको अन्तवार्ता तथा प्रस्तुतीकरण साउन २२ र २३ गते तोकिएको छ। जसमा पाटनको २२ गते बिहान ९ बजे र पोखराको दिउँसो २ बजे अन्तवार्ता समय तोकिएको छ। त्यसैगरी कर्णालीको २३ गते बिहान ९ बजे र बिपी कोइराला स्वास्थ्य विज्ञान प्रतिष्ठानको दिउँसो २ बजे अन्तवार्ता हुँदै छ।

सर्ट लिस्टमा परेकालाई प्रस्तुतीकरण र अन्तर्वार्ताको आधारमा प्रत्येक प्रतिष्ठानबाट तीन तीन जनाको नाम नियुक्तीका लागि सिफारिस गरिने छ।