अन्तर्राष्ट्रिय रकेट प्रतियोगितामा प्रतिस्पर्धी केयूका विद्यार्थीलाई अनेरास्ववियुकाे सहयोग

विद्यार्थी

गृहपृष्ठ
विद्यार्थी

अन्तर्राष्ट्रिय रकेट प्रतियोगितामा प्रतिस्पर्धी केयूका विद्यार्थीलाई अनेरास्ववियुकाे सहयोग

ईडीयू सवाल बुधबार, पुस १७, २०८१

काठमाडाैँ - अन्तर्राष्ट्रिय रकेट प्रतियोगितामा प्रतिस्पर्धी काठमाडाैँ विश्वविद्यालयका विद्यार्थीहरूलाई अनेरास्ववियु काठमाडौँ जिल्ला कमिटीले सहयोग गर्ने भएकाे छ। 'टिम उडान' को प्रतिनिधित्व गर्दै सदस्य इशान पौडेलको अनुरोधमा अनेरास्ववियु काठमाडौँ जिल्ला इन्चार्ज धर्मराज तिमिल्सीनाको समन्वयमा प्रधानमन्त्री ओलीसँग बालुवाटारमा सात्क्षात्कार विषय प्रस्तुत र छलफल भएको हाे।

काठमाडौँ विश्वविद्यालयका विद्यार्थीहरुले २०२५ जुनमा ESRA द्वारा अमेरिकामा आयोजना हुने अन्तराष्ट्रिय रकेट प्रतियोगितामा प्रतिस्पर्धा गर्ने भएका छन्। विद्यार्थीहरुले २० भन्दा बढि देशका १७० भन्दा बढि समूहहरू बीच प्रतिस्पर्धा गर्न लागेका हुन्।

राष्ट्रलाई गौरवान्वित बनाउन होमिइरहेका काठमाडौँ विश्वविद्यालयका विद्यार्थीहरुलाई प्रधानमन्त्री ओलीले बधाई दिएका छन्। ' नेपालकै विश्वविद्यालयमा बनेको रकेट अन्तर्राष्ट्रिय मञ्चमा प्रस्तुत गरि सिङ्गो देशलाई प्रतिनिधित्व गर्नु एउटा गर्वको विषय हो।' ओलीले भने,'सरकारको तर्फबाट सबै प्रकारको सहयोग तथा सुविधाको पूर्णता रहनेछ।'

अनेरास्ववियु काठमाडौँ जिल्ला इन्चार्ज तथा केन्द्रीय कमिटी सदस्य धर्मराज तिमिल्सीनाले यस सफलताले नेपालको रकेट इतिहास, विज्ञान र प्रविधिलाई थप उचाई, उर्जा र नयाँ दिशा दिने आशा राखेकाे जानकारी दिए। 'अनेरास्ववियुले आफ्नो तर्फबाट पनि विभिन्न निकाय संग समन्वय गराउँछ।' तिमिल्सीनाले भने। उनले तत्काल शिक्षामन्त्रीसँग पनि यस विषयमा छलफलका लागी समन्वयात्मक भूमिकामा रहि टिम उडानलाई सहयोग गर्ने प्रतिवद्धता गरे।

प्रकाशित मिति: बुधबार, पुस १७, २०८१ १६:४८