काठमाडाैँ - भारतको पटनास्थित एमिटी युनिभर्सिटी र कोशी प्रदेशको मनमोहन प्राविधिक विश्वविद्यालय (एमटीयू) बिच शैक्षिक तथा प्राविधिक सहकार्यका लागि सम्झौता भएको छ। एमिटी युनिभर्सिटीको स्कुल अफ ट्रेनिङ एन्ड लर्निङ र एमटीयूको स्कृल अफ एप्लाईड साईन्स टेक्नोलोजी एण्ड लबिच शैक्षिक तथा प्राविधिक सहकार्यका लागि सम्झौता भएको हो।
गतहप्ता सम्पन्न सम्झौताअनुसार एमिटी र एमटीयूले आआफना शैक्षिक कार्यक्रम, अनुसन्धान, तालिम र विद्यार्थी आदान–प्रदानका क्षेत्रमा सहकार्य गर्नेछन्। विज्ञान, प्रविधि, इञ्जिनियरिङलगायत विषयमा संयुक्त परियोजना सञ्चालन, कार्यशाला, सेमिनार तथा इन्टर्नसिपमार्फत विद्यार्थीलाई व्यावहारिक अवसर दिने योजना आदानप्रदान हुनेछ।
एमटीयूले नेपालका विद्यार्थीलाई अन्तर्राष्ट्रियस्तरको तालिम र अध्ययन-अनुसन्धानमा एमटीयूसँग जोडनेछ भने एमिटीले पाठ्यक्रम विकास, तालिम कार्यक्रम सञ्चालन तथा प्राविधिक स्रोत उपलब्ध गराउने जिम्मेवारी लिनेछ। सम्झौतापत्रमा एमटीयूको तर्फबाट रजिस्ट्रार डा दिलनाथ फुँयाल र इन्स्टिच्युट अफ लका प्रिन्सिपल कोषराज न्यौपाने र एमटियूको तर्फबाट कुल सचिव डा एनके यादव र कानुन विभाग अध्यक्ष डा राजिव रञ्जन झाले संयुक्त्त रूपमा हस्ताक्षर गरेका छन्।
सम्झौता हस्तान्तरण कार्यक्रममा एमिटी तर्फबाट कुलपति प्रो. अर्चन ठाकुर, विधि विभाग प्रमुख प्रो. राजीव राय र विश्वविद्यालयका अन्य वरिष्ठ अधिकारी उपस्थित थिए । मनमोहन प्राविधिक विश्वविद्यालयतर्फ रजिस्ट्रार डा दिलनाथ फुयाल, प्रचार्य कोषराज न्यौपाने लगायतका पदाधिकारीहरूको उपस्थिति थियो।
एमटीयूका रजिस्ट्रार डा दिलनाथ फुँयलका अनुसार सम्झौता प्रारम्भिक रूपमा ३ देखि ५ वर्षका लागि लागु हुनेछ र आपसी सहमतिमा नवीकरण पनि गर्न सकिनेछ। उनका अनुसार एमिटी युनिभर्सिटी पटना र नेपालको मनमोहन प्राविधिक विश्वविद्यालयबिच भएको शैक्षिक सहकार्यले अन्तर्राष्ट्रिय शैक्षिक सहयोग, विद्यार्थी आदान–प्रदान तथा शैक्षिक उत्कृष्टता बढाउने उद्देश्य पूरा गर्नेछ।
कोशी प्रदेश सरकारले २०७६ सालमा स्थापना गरेको मनमोहन प्राविधिक विश्वविद्यालयले छोटो समयमै अन्तराष्ट्रिय विश्वविद्यालयसँग शैक्षिक सहकार्य बढाउदै लगेको छ। यसअघि मनमोहनले भारत असामको गुहावटी विश्वविद्यालय, पश्चिम बंगाल युनिभर्सिटीसँग पनि शैक्षिक सहकार्यका लागि एमओयू गरिसकेको छ।
यसबाहेक भारत, बंगलादेश र पाकिस्तानका विश्वविद्यालयका विज्ञहरूलाई स्रोत शिक्षकका रूपमा आमन्त्रण गरेर कक्षा सञ्चालन गराउन थालेको छ। गत महिना एमटीयूको कानुन संकायका विद्यार्थीहरूले एमिटी यूनिभर्सिटी भ्रमण गरेर भारतीय संविधान, कानुन र अदालतको न्याय सम्पादनको प्रक्रियाबारे जानकारी लिएका थिए। मनमोहनले दस वर्षभित्र दक्षिण एसियामा चिनिने प्राविधिक विश्वविद्यालय बन्ने लक्ष्य लिएको छ।
