रमेश सिलवालकाे अध्यक्षतामा हिसानकाे नयाँ कार्यसमिति चयन [नामावली सहित]

समाचार

गृहपृष्ठ
समाचार

रमेश सिलवालकाे अध्यक्षतामा हिसानकाे नयाँ कार्यसमिति चयन [नामावली सहित]

ईडीयू सवाल आइतबार, चैत २७, २०७८

काठमाडौं - उच्च शिक्षालय तथा माध्यमिक विद्यालय संघ नेपाल (हिसान)को अध्यक्षमा रमेश सिलवाल दोहोरिएका छन् । हिसानको राजधानीमा भएको ८ औं महाधिवेशनले सिलवालको नेतृत्वमा नयाँ कार्यसमिति चयन गरेको हो । नयाँ कार्यसमितिमा केही परिवर्तन भएपनि अधिकांश पदाधिकारी दोहरिएका छन् ।

शनिवार सम्पन्न अधिवेशमा पुरानै समूहको नाम घोषणा हुँदा प्रजातान्त्रिक विचार निकटको समुह भने असन्तुष्ट देखिएको छ । नयाँ नेतृत्व चयनको विषयलाई लिएर विवाद भएपनि पुरानै कार्यसमितिमा केही हेरफेर गरेर नयाँ कार्यसमिति चयन गर्ने सहमति भएको थियो । नयाँ कार्यसमितिको वरिष्ठ उपाध्यक्षमा युवराज शर्मा र नवराज पाण्डे पुनः दोहोरिएका छन् ।

हरी लामिछाने, राजेन्द्र अधिकारी र रामहरि सिलवाल उपाध्यक्षमा बढुवा भएका छन् । यस्तै महासचिवमा लोकबहादुर भण्डारी नै दोहोरिएका छन् । रिक्त रहेका उपाध्यक्षमा यस अघिका सचिव बडुवा भएपछी तिर्थ पोखरेल र आरबी अधिकारी सचिवमा निर्वाचित भएका हुन् ।

यस अघिका कोषाध्यक्ष पोखरेल सचिव भएपछी वीरेन्द्र जैनालाई कोषाध्यक्ष बनाइएको छ । यसअघिको २०७३ सालमा निर्वाचित कार्यसमितिमा केही परिवर्तन भएर नयाँ कार्यसमिति बनेको हो । अधिकाशं कार्यसमिति सदस्य पनि दोहोरिएको उपाध्यक्षमा निर्वाचित रामहरी सिलवालले जानकारी दिए ।

प्रकाशित मिति: आइतबार, चैत २७, २०७८ २०:४१

#निर्वाचन

प्रतिक्रिया दिनुहोस्