ग्लोकल टीन हिरो नेपालकाे ११औँ संस्करणका शीर्ष ६ फाइनलिस्टहरूको नाम घोषणा

कला/साहित्य

गृहपृष्ठ
कला/साहित्य

ग्लोकल टीन हिरो नेपालकाे ११औँ संस्करणका शीर्ष ६ फाइनलिस्टहरूको नाम घोषणा

ईडीयू सवाल बिहीबार, भदौ ५, २०८२

काठमाडाैँ- गोल्छा ग्रुपकाे प्रस्तुती ग्लोकल टिन हिरो नेपाल २०२५ को लागि शीर्ष ६ फाइनलिस्टहरूको नाम घोषणा गरिएको छ। यस वर्षको प्रतियोगितामा बालबालिकाको अधिकार, नवप्रवर्तन, प्रविधि, उद्यमशीलता, शिक्षा, स्वास्थ्य, सामाजिक क्रियाशीलता, पर्यावरण, एआई विज्ञान/अनुसन्धान र अन्य विभिन्न क्षेत्रमा समाजमा सकारात्मक प्रभाव पारेका ७८४ किशोरकिशोरीहरूबाट आवेदन प्राप्त भएको आयाेजकले जनाएकाे छ।

उनीहरूको कामको सुरुवात, उपलब्धि, निरन्तरता र समाजमा पारेको प्रभावको आधारमा शीर्ष छ फाइनलिस्टहरूलाई सर्टलिस्ट गरिएको हो। सर्टलिस्टमा पर्ने

शीर्ष ६ फाइनलिस्टहरू यसप्रकार छन् ।

१. कृष्ण यादव, धनुषा - सामग्री निर्माता

२. मानुषी न्यौपाने, स्याङ्जा - यौन तथा प्रजनन स्वास्थ्य अधिकार (क्च्ज्च्) अधिवक्ता

३. निश्चल ढुंगाना, कपिलवस्तु - जलवायु न्याय अधिवक्ता

४. अक्सफोर्ड आचार्य, जुम्ला - नीति अधिवक्ता

५. रेणुका सिंह, सर्लाहीकी - कृषि उद्यमी

६. सफल पौडेल, रुपन्देही - एआई विकासकर्ता

फाइनल राउन्डका लागि निर्णायक टोलीमा कोका–कोला नेपालका कन्ट्री डाइरेक्टर चन्द्रिका कालिया, डब्लुडब्लुएफ नेपालका कन्ट्री डाइरेक्टर डा. घनश्याम गुरुङ, गोल्छा ग्रुपका निर्देशक सीमा गोल्छा, भोइथका अध्यक्ष सुरज वैद्य र नेपालका लागि युरोपियन युनियनका चार्ज डी’अफेयर्स थोमस मिलर रहेका थिए।किशोरकिशोरीहरूलाई उनीहरूको आवेदन, बायोडाटा, सहयोग दस्तावेज र उनीहरूका उपलब्धिहरूको बारेमा लेखिएको निबन्धको आधारमा छनोट गरिएको थियो। उनीहरूको रचनात्मकता, उपलब्धि, प्रभाव र सबैभन्दा महत्त्वपूर्ण रूपमा उनीहरूको कामको निरन्तरताको आधारमा मूल्याङ्कन गरिएको थियो।

प्रकाशित मिति: बिहीबार, भदौ ५, २०८२ १८:५८