सिएमसीले अब काठमाडौँ र हेटौंडामा पनि अस्पताल सञ्चालन गर्ने

कलेज

गृहपृष्ठ
कलेज

सिएमसीले अब काठमाडौँ र हेटौंडामा पनि अस्पताल सञ्चालन गर्ने

ईडीयू सवाल बिहीबार, वैशाख २४, २०८३

काठमाडौँ- चितवनमा रहेको चितवन मेडिकल कलेज (सिएमसी)ले संघीय राजधानी काठमाडौँको तीनकुने र बागमती प्रदेशको राजधानी मकवानपुरको हेटौँडामा अतिविशिष्टकृत सेवासहितकाअस्पताल सञ्चालन गर्ने भएको छ। यसका लागि काठमाडौँमा अत्याधुनिक अस्पताल भवन निर्माणको अन्तिम चरणमा पुगेको छ भने हेटौँडामा भवन निर्माणको कार्य सूरु गरिएको छ।

चितवन मेडिकल कलेजका अध्यक्ष एवं प्रबन्ध निर्देशक प्रा.डा.हरिश्चन्द्र न्यौपानेले सिएमसी काठमाडौँको नामबाट आगामी दशैँको घटस्थापनादेखि अस्पताल सञ्चालन हुने जानकारी दिए। कुल सत्र रोपनी क्षेत्रफलमा १२ अर्ब रुपैया भन्दा बढी लगानी गरेर अस्पताल सञ्चालन गर्न लागिएको हो। सञ्चालनको सुरुआतमानै भारतको मेदान्त अस्पतालले यसको व्यवस्थापन गर्ने प्रबन्ध निर्देशक न्यौपानेले बताए।

अस्पतालमा क्यान्सरसहित अतिविशिष्टिकृत उपचार सेवा हुने उनले बताए। विश्वका सुविधासम्पन्न अस्पतालले दिन सक्ने सेवा यहिँ दिने गरी ठूलो लगानीमा अत्याधुनिक उपकरणसहितको अस्पताल सञ्चालन गर्दैछौँ,-उनले भने।अस्पताललाई मुख्यरुपमा क्यान्सर रोगको उपचार सेवामा जोडदिने गरि अघि बढाईने उनले बताए।तीन सय शैयाको यस अस्पतालले प्रमुख रुपमा क्यान्सरको उपचार गर्ने छ भने यससँगै सबै खालका विशेषज्ञ सेवा अस्पतालले दिनेछ उनले भने।

अनुभवी विशेषज्ञ चिकित्सकहरुले अस्पतालबाट सेवा दिने छन्।नेपाली लगानीको निजी क्षेत्रको सबैभन्दा ठूलो अस्पताल यो हुने पनि उनले दाबी गरे।यस अस्पताल सञ्चालनमा आएसँगै उपचरका लागि भारतलगायतका देशहरु जानु पर्ने अवस्थाको अन्त्य हुने विश्वास डा. न्यौपानेको छ।

उनका अनुसार सिएमसी हेटौँडा अस्पतालको निर्माण थालिएको छ। हेटौंडा उपमहानगरपालिका–४ मा अवस्थित, राजमार्गसँगै १९ कट्ठा जमिनमा निर्माण थालिएको हो।अस्पतालका अध्यक्ष एवं प्रबन्ध निर्देशक प्रताप देवकोटाले विसं २०८४ को दशैँबाट सेवा सुरु गर्ने गरी एक सय सैयाकाे अतिविशिष्टिकृत अस्पताल सञ्चालन गर्न लागिएको जानकारी दिए।

प्रकाशित मिति: बिहीबार, वैशाख २४, २०८३ १६:५८