विद्यार्थी केन्द्रित शिक्षण विधिलाई प्राथामिकता दिदै आएको नेपाल मेगा कलेज

कलेज

गृहपृष्ठ
कलेज

विद्यार्थी केन्द्रित शिक्षण विधिलाई प्राथामिकता दिदै आएको नेपाल मेगा कलेज

ईडीयू सवाल आइतबार, जेठ ३, २०८३

काठमाडौँ- काठमाडौँकाे बबरमहल स्थित नेपाल मेगा कलेजमा विज्ञान, व्यवस्थापन तथा कानुन तर्फका विषय अध्यापन हुन्छ। मेगामा कक्षा ११ र १२ मा ८ सय भन्दा बढि विद्यार्थीले अध्ययन गर्दे आएका छन्। राष्ट्रिय परीक्षा बोर्डले लिएको २०८० सालको परीक्षाको नतिजा अनुसार ९९.५ प्रतिशत, २०७९ सालमा ९५ प्रतिशत र २०७८ सालमा ९४ प्रतिशत विद्यार्थी उत्तीर्ण भएका थिए। मेगामा कार्यरत शिक्षक कर्मचारिको संख्या ९८ जना रहेको छ। यस मेगा ३ रोपनी क्षेत्रफलमा २ वटा सुविधासम्पन्न भवनमा सञ्चालित छ।

मेगामा विज्ञान तथा सूचना प्रविधि प्रयोगशाला उपलब्ध हुनुको साथै विद्यार्थीको सहजीकरणको लागि प्रविधि मैत्री कक्षाकोठा, आवाशिय प्रवन्ध, चमेना गृह, यातायात लगायतको व्यवस्था रहेको छ। मेगाले विभिन्न अन्तरविद्यालय प्रतियोगितामा सहभागीता जनाउँदै आएको छ।मेगाका विद्यार्थीले अन्तरविद्यालय कविता प्रतियोगीतामा तेस्रो स्थान, हाजिरीजवाफ प्रतियोगिता र मुटकोर्ट प्रतियोगीतामा दोस्रो स्थान हासिल गर्न सफल भएका थिए। हालसम्म मेगामा अध्ययन गरेका ६५ जना विद्यार्थीले चिकित्सा शिक्षा आयोगले लिने सिईई परीक्षा र १३५ जना विद्यार्थीले ईन्जिनियरिङ अध्ययन संस्थान आईओईले लिने प्रवेश परीक्षामा पूर्णछात्रवृत्ति कोटामा नाम निकाल्न सफल भएका छन्।

गत वर्षको परीक्षामा चिकित्सा शिक्षा तर्फ ५ जना र इन्जियिनयरिङ तर्फ १२ जनाले पूर्ण छात्रावृतिमा नाम निकालेका थिए। यस कलेजले विद्यार्थी र शिक्षकलाई विभिन्न किसिमका शैक्षिक तालिम र मोटिभेसन क्लासको समेत व्यवस्था गर्दै आएको छ।विद्यार्थीहरुको व्यक्तिगत हेरचाह, पारिवारिक वातावरण र विश्वस्तरिय गुणस्तरीय शिक्षा प्रदान गर्नु यस कलेजको फरक विशेषता हो। विद्यार्थी केन्द्रित शिक्षण विधि, प्रवेश परीक्षा केन्द्रित पाठ्यक्रम, शैक्षिक गुणस्तर र अतिरिक्त क्रियाकलापमा जोड दिदैँ आएको कारण विद्यार्थी र अभिभावकको रोजाइमा मेगा कलेज पर्ने गरेको छ।

प्रकाशित मिति: आइतबार, जेठ ३, २०८३ १६:२३