पाँच पटक उत्कृष्ट माविको पुरस्कार प्राप्त गरेको प्रसादी एकेडेमी

कलेज

गृहपृष्ठ
कलेज

पाँच पटक उत्कृष्ट माविको पुरस्कार प्राप्त गरेको प्रसादी एकेडेमी

ईडीयू सवाल सोमबार, जेठ ४, २०८३

काठमाडाैँ - कक्षा ११ र १२ मा विज्ञान र व्यवस्थापन तर्फका विभिन्न विषयको पठनपाठन हुने यस प्रसादी एकेडेमी विद्यार्थीको रोजाइको शिक्षणसंस्था हो। ललितपुरमा आफूलाई अग्रभागमा स्थापित गर्न सफल यस शिक्षणसंस्थाले कक्षा ११ मा ८ सय जना विद्यार्थी भर्न लिने गरेको छ। विज्ञान तर्फ ७ सय र व्यवस्थापन तर्फ १ सय विद्यार्थीले यस विद्यालयमा भर्ना पाउँछन्।

सिमित भर्ना,अनुभवी फ्याकल्टी र विद्यार्थीको शैक्षिक उन्नयनमा बढी केन्द्रीत हुनुसँग प्रसादीको सफलता जोडिएको छ। विद्यार्थीमैत्री शैक्षिक वातावरण र गुणस्तरीय पठनपाठनजस्ता कुराले प्रसादीलाई अब्बल बनाउन भूमिका खेलेको छ।

विद्यार्थीमुखी प्रचारलाई वेवास्ता गर्दै गुणस्तरीय शिक्षामा जोड दिनु यस कलेजको फरक विशेषता हो। २८ वर्षदेखि ११ र १२ कक्षा मात्रै पढाइरहेको प्रसादीले पाँच पटक उत्कृष्ट माविको पुरस्कार प्राप्त गरेको थियो।

नतिजाको हिसाबले उत्कृष्ट शिक्षणसंस्था बन्न सफल यस कलेजमा विद्यार्थीको आकर्षण बढ्नुमा यस कलेजको कुशल व्यवस्थापन नै प्रमुख हो। यस एकेडेमीमा एक सय भन्दा बढी शिक्षक र कर्मचारी कार्यरत छन्।

प्रकाशित मिति: सोमबार, जेठ ४, २०८३ १२:०२