नेसनल कलेजमा ब्याचलर अफ साइकोलोजी विषयकाे अध्यापन सुरु

कलेज

गृहपृष्ठ
कलेज

नेसनल कलेजमा मनोविज्ञान विषय अध्यापन सुरु नेसनल कलेजमा ब्याचलर अफ साइकोलोजी विषयकाे अध्यापन सुरु

ईडीयू सवाल आइतबार, असार ३१, २०८०

काठमाडौँ- नेसनल कलेजले स्नातक तहमा ब्याचलर अफ साइकोलोजी विषयकाे अध्यापन सुरु गर्ने भएकाे छ। धुम्बाराहीस्थित नेसनल कलेजले काठमाडौँ विश्वविद्यालयकाे सम्बन्धनमा स्नातक तहमा मनोविज्ञान अध्यापन सुरु गर्न लागेकाे हाे।

विश्वविद्यालयले स्नातक तहकाे नयाँ पाठ्यक्रममा तयार गरिएकाे जनाएकाे छ। नयाँ पाठ्यक्रममा प्रत्येक सेमेस्टरमा पाँच विषय अध्यापन हुन्छ। आठ सेमेस्टरकाे चारवर्षे पाठ्यक्रम तयार गरि काेर्षलाई समयसापेक्ष बनाइएकाे विश्वविद्यालयका प्रतिनिधिले बताए।

उनका अनुसार पहिलो वर्षको दुई सेमेस्टरमा ३५ क्रेडिट आवर, दोस्रो वर्षमा ३६ क्रेडिट, तेस्रो वर्षमा ३६ क्रेडिट र चौथो वर्षमा २१ क्रेडिट गरी पुरा पाठ्यक्रममा एक सय २८ क्रेडिट आवरकाे छ।

कक्षा १२ उत्तीर्ण गरेका र मनोविज्ञान विषय पढ्न इच्छुक विद्यार्थीले याे विषय राेज्न सक्ने र विद्यार्थीको आवश्यकतालाई मध्यनजर गर्दै यस विषय थप गरिएकाे कलेजले जनाएकाे छ।

कार्यक्रममा प्राध्यापक डा. रीता श्रेष्ठ, डा नन्दिता शर्मा, क्याम्पस प्रमुख बद्रीदेव पाण्डे, प्रिन्सिपल माधवप्रसाद न्यौपाने लगायतकाे सहभागिता थियाे।

प्रकाशित मिति: आइतबार, असार ३१, २०८० २३:५६