संघिय शिक्षा ऐन जारी गर्ने बिषयमा प्रधानमन्त्री देउवा र शिक्षामन्त्री पौडेलबीच छलफल

समाचार

गृहपृष्ठ
समाचार

शिक्षा ऐन जारी गर्ने संघिय शिक्षा ऐन जारी गर्ने बिषयमा प्रधानमन्त्री देउवा र शिक्षामन्त्री पौडेलबीच छलफल

ईडीयू सवाल शनिबार, साउन ७, २०७९

काठमाडौँ - संघिय शिक्षा ऐन जारी गर्ने बिषयमा प्रधानमन्त्री शेरबहादुर देउवा र शिक्षा, विज्ञान तथा प्रविधिमन्त्री देवेन्द्र पाैडेल बिच छलफल भएको छ ।

शनिबार बिहान बालुवाटारमा भएकाे छलफलमा संघीय शिक्षा ऐन अर्थ र कानुन मन्त्रालयमा अल्झेकाे हुँदा तत्काल अगाडि बढाउन मन्त्री पाैडेलले प्रधानमन्त्री देउवाको ध्यानाकर्षण गराएका हुन्।

मन्त्री पौडेल र प्रधानमन्त्री देउवाबीच विश्वविद्यालयमा हुने तालाबन्दी, शिक्षक दरबन्दीलगायतकाे विषयमा छलफल भएकाे छ।

संघीय शिक्षा ऐन ल्याउन प्रधानमन्त्रीले आवश्यक सहयाेग गर्ने प्रतिबद्धता व्यक्त गरेेको मन्त्री पौडेलले जानकारी दिए। उनले भने,'हामी शिक्षा ऐन ल्याउने प्रक्रियामै छौँ । हामीले पाँचवटा ऐनहरू संघीय शिक्षा ऐन, प्राविधिक ऐन, उच्च शिक्षा ऐनलगायतका बिषयमा छलफल गरेका हाैँ। अरु मन्त्रालयको पनि सहमति चाहिने हुँदा, विभिन्न कानुनी प्रावधान भएकाले अल्झिरहेको छ । हामी त्यसलाई छिट्टै प्रक्रिया पुर्‍याएर टुंग्याउँछौँ । सम्भवतः यही सदनमा अगाडि बढाउने कि भन्ने छ।'

ऐन फ्याट्ट ल्याउने कुरा नभएकाले ऐन ल्याउन त्यसको आर्थिक पाटो, कतिपय अल्झेका विषय, प्रणालीगत कुरा, कानुनी कुराका बिषयमा छलफल भइरहेकाे उनकाे भनाइ छ।

प्रकाशित मिति: शनिबार, साउन ७, २०७९ १२:२२

#शिक्षा ऐन

प्रतिक्रिया दिनुहोस्