पेट्रोलियम पदार्थको मूल्यवृद्धि तत्काल फिर्ता गर्न अखिल क्रान्तिकारीको माग

समाचार

गृहपृष्ठ
समाचार

पेट्रोलियम पदार्थको मूल्यवृद्धि तत्काल फिर्ता गर्न अखिल क्रान्तिकारीको माग

ईडीयू सवाल सोमबार, जेठ ९, २०७९

काठमाडौँ - नेकपा माओवादी केन्द्र निकट विद्यार्थी संगठन अखिल क्रान्तिकारीले पेट्रोलियम पदार्थमा गरिएको मूल्यवृद्धि तत्काल फिर्ता लिन सरकारसँग माग गरेको छ।
अखिल क्रान्तिकारी अध्यक्ष पञ्चा सिंहले विज्ञप्ति जारी गर्दै सरकारले तत्काल मूल्यवृद्धि फिर्ता नलिए आन्दोलन गर्ने चेतावनी दिएकी हुन्।
अखिल क्रान्तिकारीले सरकारले आयल निगमभित्र भएका भ्रष्टाचार, चुहावट, मनलाग्दी कर्मचारी भर्ना, खरिद बिक्रीमा हुने ठूला अनियमितता र बेथितिको अन्त्य गर्नुको साटो मूल्य समायोजनको नाउमा मूल्यवृद्धि मात्र गरेको विज्ञप्तिमा उल्लेख गरेको छ।
‘नेपाल आयल निगमले पेट्रोलियम पदार्थमा गरिरहेको मुल्यवृद्धिले नेपाली जनजीवनमा सृजना गरेको कठिन परिस्थिति प्रति हामी गम्भीर भएका छौं।

दैनिक जनजीवनसँग प्रत्यक्ष सरोकार राख्ने पेट्रोलियम पदार्थमा मुलुक चुनावमा होमिएको समयमा पारेर गरिएको मुल्यवृद्धि र त्यसले समग्र क्षेत्रहरुमा पार्ने प्रभावले जनताको ढाड सेक्ने काम गरेको छ,’।
बहुसंख्यक जनताले निम्न आयमा गुजारा गर्नुपर्ने हाम्रो जस्तो मुलुकमा सरकार नियन्त्रित आयल निगमको रवैयाले सिमा नाघेको विज्ञप्तिमा उल्लेख गरेको छ।
अखिल क्रान्तिकारी अध्यक्ष सिंहले पेट्रोल ग्याँस लगायतका बस्तुमा गरिएको मूल्यवृद्धि तत्काल खारेज नभए निर्मम संघर्षका कार्यक्रम सार्वजनिक गर्ने चेतावनी दिएकी छन्।
सरकारले आइतबार राति १२ बजेबाट लागू हुने गरी पेट्रोल, डिजेल, मट्टीतेल र हवाइ इन्धन (आन्तरिक) लिटरमा १० रूपैयाँ र ग्यासमा प्रतिसिलिन्डर दुई सय रूपैयाँ बढाएको छ।

आयल निगमले भने अन्तर्राष्ट्रिय बजारमा कच्चा तेलको मूल्य बढेसँगै मुल्य बढाउनुपरेको जनाएको छ। यसअघि वैशाख ३१ गते मात्र सरकारले पेट्रोल र डिजेल लिटरमा १० रूपैयाँ बढाएको थियो।

प्रकाशित मिति: सोमबार, जेठ ९, २०७९ १४:११

#अखिल क्रान्तिकारी

प्रतिक्रिया दिनुहोस्