नेपाल शिक्षक महासंघद्वारा चरणबद्ध आन्दोलन सकिएको घोषणा

समाचार

गृहपृष्ठ
समाचार

नेपाल शिक्षक महासंघद्वारा चरणबद्ध आन्दोलन सकिएको घोषणा

ईडीयू सवाल सोमबार, फागुन १६, २०७८

काठमाडौं – नेपाल शिक्षक महासंघले वैशाख २० गतेबाट चरणबद्घ रुपमा सञ्चालन गर्दै आएको आन्दोलनका कार्यक्रम स्थगित भएको जनाएको छ ।महासंघले सरकारले ५१ बुदे सहमति गरेसंगै तत्कालका लागि आफ्ना माग संवोधन भएकाले औपचारिक रुपमा आन्दोनका कार्यक्रम सकिएको घोषणा गरेको जनाएको हो । शिक्षकका पेशागत हकहितको माग राख्दै महासंघले सुरु गरेको आन्दोलनले उठाएको विषयमा शिक्षा, विज्ञान तथा प्रविधी मन्त्रालयले कार्यदल नै बनाएर माग संवोधन गर्ने भनेपछी आन्दोलनका कार्यक्रम स्थगित गर्ने सहमति भएको थियो ।
गत वैशाख २० गतेबाट महासंघले चरणबद्घ आन्दोलन शुरु गरेको थियो । यो आन्दोलन पहिलो चरणमा गत वैशाख २० देखि ३० सम्म, दोस्रो चरण जेष्ठ ५ देखि जेष्ठ १३, तेस्रो चरण जेष्ठ २१ देखि असार ५, चौथो चरण असार १ देखि भदौँ ४ र पाँचौ चरण भदौ २९ गते देखि २८ सम्म गते सम्म गरी पाँच चरणमा सञ्चालन भएको आन्दोलनमा उठाइएका ३४ सुत्रिय मागलाई सरकारले संवोधन गरेको छ । पाँचौं चरणका कार्यक्रम सुरु हुनु अघि सरकारबाट वार्ताका लागि औपचारिक पत्राचार भएपछि वार्ता समिति निर्माण गरी २०७८ कार्तिक २८ गतेबाट महासंघ शिक्षामन्त्रालयसंग वार्तामा सहभागी भएको थियो ।

वार्ता कार्यदलका प्रतिनिधिहरु एकपछि अर्को गर्दै कोभिड संक्रमित भई आइसोलेसनमा बस्नु परेका कारण वार्ता प्रकिया केही लामो हुन गए पनि फागुन ९ गते महासंघ र नेपाल सरकार शिक्षा मन्त्रालय बीच शिक्षामा लगानी बृद्घि गर्ने, अनिवार्य तथा निशुल्क शिक्षाको प्रबन्धको कार्यान्वयन गर्ने, शिक्षाको गुणस्तर विकास देखि शिक्षक कर्मचारीको पेसागत मागहरुको ५१ बुँदामा सहमती भई हस्ताक्षर भएसंगै आन्दोलन सकिएको महासंघले औपचारीक रुपमा घोषणा गरेको हो ।
महासंघले विज्ञप्तिमा भनेको छ, ‘महासंघले पेश गरेका माग मुद्दाहरुमध्ये कतिपय विषयहरु अझै सम्बोधन हुन बाँकी रहेका छन् । पेसागत आन्दोलन एक पटकको एउटै प्रयत्नमा पूरा हुने आन्दोलन होइन । यो आन्दोलन सदैव पाएका उपलब्धिलाई सुरक्षित गर्दै नयाँ उपलब्धि तर्फ अग्रसर रहिरहन्छ । सहमतीमा नसमेटिएकामाग मुद्दाको सम्बोधनका लागि महासंघले आवाज उठाइरहनेछ ।’
महासंघले सहमतीका बुुुँदहरु अविलम्व कार्यान्वयन गरी अघि बढ्न तथा शीघ्रताशीघ्र शिक्षा ऐन जारी गर्न सरकारलाई आग्रह समेत गरेको छ।

प्रकाशित मिति: सोमबार, फागुन १६, २०७८ ०९:३८

#शिक्षक आन्दाेलन

प्रतिक्रिया दिनुहोस्