कक्षा १० मा अध्ययनरत ७ हजार ६ सय ४३ विपन्न विद्यार्थीले पाए छात्रवृत्ति [नामावली सहित]

समाचार

गृहपृष्ठ
समाचार

कक्षा १० मा अध्ययनरत ७ हजार ६ सय ४३ विपन्न विद्यार्थीले पाए छात्रवृत्ति [नामावली सहित]

ईडीयू सवाल शनिबार, फागुन २१, २०७८

काठमाडाैं – शिक्षा तथा मानव स्रोत विकास केन्द्रले कक्षा ९–१२ मा अध्ययनरत विपन्न विद्यार्थीले पाएकाे छात्रवृत्तिका विवरण सार्वजनिक गरेकाे छ । केन्द्रले सार्वजनिक गरेकाे विवरणमा कक्षा १० मा अध्ययनरत ७ हजार ६ सय ४३ विपन्न विद्यार्थीले छात्रवृत्ति पाएकाे उल्लेख गरेकाे छ । केन्द्रले सबै स्थानीय तहलाई विपन्न लक्षित छात्रवृत्ति प्रदान गर्न अनुराेध गरेकाे छ । केन्द्रले विपन्न विद्यार्थीका लागि जनही ६ हजार उपलव्ध गराएकाे हाे ।

छात्रवृत्ति कार्यक्रमका लागि छनाेट भएका विद्यार्थीहरुलाई छात्रवृत्ति वितरण गर्ने प्रयोजनका लागि चालु आर्थिक बर्षको विद्यालय क्षेत्र विकास कार्यक्रम अन्तर्गत बजेट उपशीर्षक न २५०००००१ को खर्च शीर्षक नं. २६३३२ अनुसार बजेट विनियोजन गरीएकाे केन्द्रले जनाएकाे छ ।

विपन्न छात्रवृत्ति अन्तर्गत कक्षा ११ र १२ का विज्ञान विषयका लागि समेत छात्रवृत्ति प्रदान गर्ने हुँदा सम्बन्धित स्थानीय तहमा वित्तीय हस्तान्तरण भएकाले सम्बन्धित स्थानीय तहले विपन्न लक्षित छात्रवृत्ति कार्यान्वयन मापदण्ड, २०७८ बमोजिम विद्यार्थीहरुलाई छात्रवृत्ति रकम उपलब्ध गराउन केन्द्रले सुचित गरेकाे हाे ।

केन्द्रले कक्षा ९ मा छात्रवृत्ति प्राप्त गरेका र हाल कक्षा १० मा अध्ययनरत विदार्थी र शैक्षिक सत्र २०७७ मा कक्षा ११ मा र हाल कक्षा १२ अध्ययनरत विदार्थीलाई सम्बन्धित स्थानीय तहले प्रमाणीकरण गरेका विद्यार्थीहरु र शिक्षा तथा मानवस्राेत विकास केन्द्रको इएमआइएसमा बैंक विवरण प्राप्त विदार्थीलाई छात्रवृत्ति प्रदान गर्न भनेकाे छ ।

प्रकाशित मिति: शनिबार, फागुन २१, २०७८ ०८:०९

#छात्रवृत्ति

प्रतिक्रिया दिनुहोस्