स्थानिय तह निर्वाचनका लागि १ लाख म्यादी प्रहरीकाे आवेदन खुला [सूचना सहित]

सबै

गृहपृष्ठ
सबै

म्यादि प्रहरी स्थानिय तह निर्वाचनका लागि १ लाख म्यादी प्रहरीकाे आवेदन खुला [सूचना सहित]

ईडीयू सवाल बुधबार, चैत २, २०७८

काठमाडाैं – २०७९ वैशाख ३० गते हुन लागेको स्थानीय तह निर्वाचनमा सरकारले ४० दिनका लागि १ लाख म्यादी प्रहरी भर्ना गर्न आवेदन खुलाएकाे छ। प्रहरी प्रधान कार्यालय मानवश्राेत एंव प्रशासन विभागले खुलाएकाे विज्ञापनमा चैत्र ६ गते देखी ११ गते बेलुका ५ बजेसम्म आवेदन दिन सक्ने जनाएकाे हाे ।

म्यादी प्रहरीले नेपाल प्रहरीको जवान सरह तलब र रासनबापत थप ७ हजार रुपैयाँ पाउनेछन्। निर्वाचनमा खटिने म्यादी प्रहरीले ४० दिन काम गरेपछि ३० हजार २ सय ८० रुपैयाँ तलब पाउँछन्। त्यसमा थप ६ हजार बराबरको लत्ताकपडा र १ हजार गाडी भाडा पाउँछन्।

म्यादी प्रहरीलाई दुई जोर जुत्ता–मोजा, झुल र स्लिपिङ ब्यागसमेत उपलब्ध गराइने भएको छ। रासन र कपडासहित एकजना म्यादी प्रहरीले जम्मा ४४ हजार ४ सय ८० रुपैयाँ पाउने भएका छन् ।

दरखास्त फारम काठमाडाैं,भक्तपुर र ललितपुरकाे प्रहरी परिसर कार्यालय र देशभरका जिल्ला प्रहरी कार्यालयबाट वितरण गरिने सुचनामा उल्लेख छ ।

प्रकाशित मिति: बुधबार, चैत २, २०७८ ०८:४८

#निर्वाचन

प्रतिक्रिया दिनुहोस्