सरकारसंग भएको सहमति अनुसार बजेट नआएपछी अर्थमन्त्रीलाई महासंघको ध्यानाकर्षण

समाचार

गृहपृष्ठ
समाचार

महासंघको ध्यानाकर्षण सरकारसंग भएको सहमति अनुसार बजेट नआएपछी अर्थमन्त्रीलाई महासंघको ध्यानाकर्षण

ईडीयू सवाल मंगलबार, जेठ १७, २०७९

काठमाडौँ - नेपाल शिक्षक महासंघले शिक्षा विज्ञान तथा प्रविधी मन्त्रालयसंग भएको सहमति अनुसार बजेट नआएको भन्दै अर्थमन्त्री जनार्दन शर्मालाई भेटेर ध्यानकर्षण गराएको छ।

महासंघले नेपाल सरकार शिक्षा विज्ञान तथा प्रविधि मन्त्रालय र नेपाल शिक्षक महासंघ वीच भएको सम्झौतामा रहेका वजेट मार्फत सम्बोधन हुनुपर्ने विषयहरु आ.व. २०७९/०८० को बजेटमा कुनै कुरा प्रष्ट उल्लेख भएको नदेखिएकोले त्यसको
अविलम्व प्रबन्ध गर्न ध्यानाकर्षण गराएको हाे।

महासंघले आ. व. २०७८/०७९ को बजेटमा तोकिए वमोजिम विद्यालयका लेखापालको पारिश्रमिक २० हजार ५ सय र कार्यालय सहयोगीको पारिश्रमिक १५ हजारमा यस पटकको तलव वृद्धिसमेत जोडी आ.व. २०७९/०८० बाट संघिय सरकारबाटै उपलब्ध गराउन माग गरेको छ।

महासंघले बालकक्षाका शिक्षकको तोकिएको पारिश्रमिक १५ हजारमा यस पटकको तलव वृद्धिसमेत जोडी आ.व. २०७९/०८० बाट संघिय सरकारबाटै उपलब्ध गराउन अर्थ मन्त्री शर्माको ध्यानाकर्षण गराएको हो।यस्तै बजेटबाट प्रवन्ध गरिएको सुविधा सहितको १० दिने पर्यटन काज, दुर्घटना विमा तथा स्वास्थ्य सुरक्षा विमा विद्यालयका शिक्षक कर्मचारीको हकमा समेत लागू हुने प्रबन्ध गर्न माग गरेको छ ।

महासंघले शिक्षा क्षेत्रका लागि कूल बजेटको २० प्रतिशत लगानीको प्रबन्ध गनुपर्ने, अस्थायी शिक्षकको आन्तरिक परीक्षापछि सेवाबाट वहिर्गमनमा परेका शिक्षकलाई गोल्डेन ह्याण्डसेक लिन छुटेकालाई नियमानुसार पाउने सुविधा उपलव्ध गराउन ध्यानाकर्षण गराएको छ।

प्रकाशित मिति: मंगलबार, जेठ १७, २०७९ २३:०१

#शिक्षामा बजेट

प्रतिक्रिया दिनुहोस्