शिक्षक र कर्मचारीले चुनावको प्रचार गरे कारवाही हुने

समाचार

गृहपृष्ठ
समाचार

विद्यालयका शिक्षक र सरकारी कर्मचारीलाई चुनाव प्रचारप्रसार नगर्न निर्वाचन आयोगले निर्देशन दिएको छ। शिक्षक र कर्मचारीले चुनावको प्रचार गरे कारवाही हुने

ईडीयू सवाल बिहीबार, असोज २७, २०७९

काठमाडौँ- विद्यालयका शिक्षक र सरकारी कर्मचारीलाई चुनाव प्रचारप्रसार नगर्न निर्वाचन आयोगले निर्देशन दिएको छ।

आयोगले विज्ञप्ति जारी गर्दै विभिन्न राजनीतिक दल सम्बद्ध उम्मेदवारको समर्थन र विरोधमा प्रचारप्रसार गरेको भन्दै निर्वाचन आयोगले त्यस्तो नगर्न देशैभरिका शिक्षक र कर्मचारीलाई निर्देशन दिएको हो।

आयोगले आचारसंहिताको प्रतिकूल हुने गरी कतिपय सरकारी कर्मचारी तथा सार्वजनिक संस्थामा कार्यरत कर्मचारी र विद्यालय, महाविद्यालय वा विश्ववविद्यालय तथा सोमा सम्वद्ध कर्मचारी, प्राध्यापक तथा शिक्षकहरु राजनीतिक दल र उम्मदेवारका पक्ष वा विपक्षमा प्रचार प्रसारमा संलग्न रहेको पाइएकोले त्यस्तो नगर्न निर्देशन दिएको छ।

आयोगले प्रचार प्रसारमा संलग्न कर्मचारी तथा शिक्षकले उम्मेदवारसँग तस्बिर खिचाई बधाई र शुभकामना दिने, राजनीतिक दल र उम्मेदवारको प्रचार सामग्रीको शेयर गर्ने, लाइक गर्ने गरेका घटनाहरु अनुुगमनका क्रममा पाइएकाले त्यस्तो गरेमा कारवाही गर्ने विज्ञप्तिमार्फत जनाएको छ।

प्रकाशित मिति: बिहीबार, असोज २७, २०७९ १०:२८

#निर्वाचन

प्रतिक्रिया दिनुहोस्