इक्यान महासचिवमा दिपकराज भुषालले उम्मेदवारी दिने

समाचार

गृहपृष्ठ
समाचार

इक्यान महासचिवमा दिपकराज भुषालले उम्मेदवारी दिने इक्यान महासचिवमा दिपकराज भुषालले उम्मेदवारी दिने

ईडीयू सवाल आइतबार, असार २४, २०८०

काठमाडौँ- नेपाल शैक्षिक परामर्श संघ इक्यानको असार ३० गते हुने महाधिवेशनमा महासचिवमा नै दोहोरिन दिपक राज भुषालले उम्मेदवारी दिने घोषणा गरेका छन्।

भुसालले इक्यान कार्यसमितिमा रहेर महासचिवको रुपमा काम गर्दै गर्दा देशले नै भोग्नुपरेको विषम परिस्थितिका कारण योजना अनुरुपका केही काम गर्न बाँकी रहेकाले पुनः महासचवमा नै उम्मेदवारी दिने घोषणा गरेको बताएका हुन्।

उनले भनेका छन्,‘३५ बर्ष अघिदेखि नेपालमा शैक्षिक परामर्श क्षेत्रको विकास क्रम रहेता पनि हालसम्म पनि हाम्रो ब्यवसाय नीतिगतरुपमा संक्रमणकालिन अवस्था र अत्यन्त विषम परिस्थिति बाट गुज्रिरहेको छ। निर्देशिका आंशिक रुपमा सच्चिएको अवस्था छ तर शिक्षा मन्त्रालयले ल्याउदै गरेको नियमावलीमा हाम्रो क्षेत्रलाई गंभीर असर पार्ने नीति बिरुद्द संघर्ष गर्दै यस क्षेत्रलाइ अझ सुरक्षित तथा मर्यादित बनाउनु पर्ने चुनौतीलाई सामना गर्नपुर्ने परिस्थिति भएकाले मैले महासचिवमा नै उम्मेदवारी दिने घोषणा गरेको छु।’

अहिले सम्म भएका उपलब्धिलाई संरक्षण गरि हाम्रो व्यवसाय माथिको आक्रमणलाई निस्तेज पार्न इक्यानलाई अझ बढी प्रभावकारी संस्थाको रुपमा सुद्रिढ गर्नुपर्ने बर्तमान परिस्थितिमा आफू दोहोरिन चाहेको उनको भनाइ छ।

उनले इक्यान कार्यसमितिमा रहेर सदस्य, सचिब र महासचिबको जिम्मेवारी बहन गरिसकेका छन्। उनको आफूले गरेको कार्यसम्पादन अनुभवलाई मूल्याङ्कन गर्दै मत दिन पनि सदस्यहरूलाई आग्रह गरेका छन्।

प्रकाशित मिति: आइतबार, असार २४, २०८० ०९:२७

#इक्यान निर्वाचन

प्रतिक्रिया दिनुहोस्