नेपाललाई शैक्षिक केन्द्रको रुपमा विकास गर्न संभव छ

सम्पादकीय

गृहपृष्ठ
सम्पादकीय

सम्पादकीय नेपाललाई शैक्षिक केन्द्रको रुपमा विकास गर्न संभव छ

ईडीयू सवाल मंगलबार, माघ २२, २०८१

काठमाडाैँ- नेपालको समग्र शिक्षा प्रणाली नै अफ्ट्यारो स्थितिबाट गुज्रिएको अवस्था छ। पछिल्लो समय नेपालको शिक्षा क्षेत्रमा देखिएको राजनीतिक प्रभावका कारण समस्या बढ्दै गएको हो।
सरकारले समग्र शिक्षा प्रणालीलाई ध्यान दिन नसक्दा सार्वजनिक शिक्षाको गुणस्तर सुधार हुन सकेको छैन भने निजी शिक्षणसंस्था धरासायी हुने अवस्थामा पुगेका छन्। नेपालमा सञ्चालित निजी कलेजको संख्या बढेसँगै यसमा अस्वस्थ प्रतिस्पर्धा समेत बढेको छ।

विश्वविद्यालयले पनि बजारको आवश्यकता र शिक्षणसंस्थाको पूर्वाधार हेरेर मात्र विषय अध्यापन गर्न दिनुपर्छ। स्नातक तहमा शिक्षा अध्ययनका लागि विद्यार्थी विदेशिने क्रम बढेसँगै संख्यात्मक रुपमा नेपाली शिक्षणसंस्थामा विद्यार्थीको संख्यामा कमी आएको छ।

शिक्षाको दायरा फराकिलो बनाउँदै विद्यार्थी विदेश अध्ययनमा जाने क्रम चलिरहदा नेपालका शिक्षणसंस्थामा विद्यार्थीको संख्या घटिरहेको छ। उच्च शिक्षालाई अन्तराष्ट्रिय शैक्षिक केन्द्रको रुपमा विकास गर्न सके विद्यार्थीलाई नेपालमै रोक्न सकिने बुझाइ विज्ञको छ। नेपाललाई शैक्षिक हबका रुपमा विकास गर्न सरकारले ठोस योजना बनाउन आवश्यक छ।

पहिले त विदेशी विद्यार्थीलाई नेपाली विश्वविद्यालय र यहाँको पूर्वाधारको बारेमा जानकारी दिएर अन्तर्राष्ट्रिय रुपमा नेपाल केन्द्र बन्न सक्ने विषयहरू अध्यापनमा जोड दिन सके नेपाल शैक्षिक हबको रुपमा विकास हुन सक्छ। विदेशी विद्यार्थी नेपालमा वुद्धिजम, माउन्टेनरिङ, चिकित्सा शिक्षा लगायतका विषय अध्ययन गर्न नेपालमा आएका पनि छन्।

यसलाई विस्तार गर्न सरकारले विदेशी विद्यार्थीका लागि विद्यार्थी भिसाको व्यवस्था गर्न आवश्यक छ। अन्तर्राष्ट्रिय शैक्षिक केन्द्रको रुपमा विकास गर्न संभावनाको खोजी गर्दै सरकारलाई जिम्मेवार बनाउन सम्पूर्ण निकायको भूमिका महत्वपूर्ण हुन्छ।

प्रकाशित मिति: मंगलबार, माघ २२, २०८१ १९:२९