मेलबर्नमा इन्द्र जात्रा (फाेटाेफिचर)

अन्तर्राष्ट्रिय

गृहपृष्ठ
अन्तर्राष्ट्रिय

मेलबर्नमा इन्द्र जात्रा (फाेटाेफिचर)

ईडीयू सवाल बिहीबार, भदौ २६, २०८२

काठमाडाैँ - मेलबर्न भिक्टोरियामा पहिलोपटक आयोजित इन्द्र जात्रा (येन्या पुन्ही) महोत्सव नेवा गुथी सम्पन्न भएकाे छ। अष्ट्रेलियन नेपाली बहुसांस्कृतिक केन्द्रमा आयोजित यस गुथीमा नेपाली समुदायकाे उत्साहपूर्वक सहभागिता रहेकाे थियाे।

समुदायले सयौँ वर्ष पुराना ऐतिहासिक परम्परालाई मेलबर्नमा प्रस्तुत गरी नेवा समुदायको धनी सांस्कृतिक विरासतलाई देखाउदैँ बहुसांस्कृतिक उत्सव मनाएको छ।महोत्सवको प्रमुख आकर्षण रुपमा देवता गणेश, भैरव र जीवित देवी कुमारीको रथयात्रा, परम्परा र सशक्तिकरण दुवैको अद्भुत प्रदर्शन रहेकाे थियाे। कार्यक्रममा उत्साही लाखे नाच र मनोरञ्जक पुलुकिसी (हात्ती) नाच पनि प्रस्तुत गरिएकाे थियाे।

समुदायका मानिसहरु मिलेरअतिथिहरूलाई नेवा परिकारको वास्तविक स्वादका परिकार खुवाउनुकाे साथै कला र हस्तकला प्रदर्शन गरेका थिए।

कार्यक्रममा मुख्य अतिथिकाे रुपमा भिक्टोरियाका बहुसांस्कृतिक मामिलाका मन्त्री इन्ग्रिड स्टिट रहेका थिए। उनले महोत्सवमा उपस्थित भएर नेपाली समुदायले आफ्नो सांस्कृतिक पहिचान जोगाउँदै भिक्टोरियाको बहुसांस्कृतिक समाजमा योगदान पुर्याएकोमा प्रशंसा व्यक्त गरिन्।