इक्यान उपाध्यक्षमा श्रीराम पौडेलको उम्मेदवारी घोषणा

समाचार

गृहपृष्ठ
समाचार

इक्यान उपाध्यक्षमा श्रीराम पौडेलको उम्मेदवारी घोषणा इक्यान उपाध्यक्षमा श्रीराम पौडेलको उम्मेदवारी घोषणा

ईडीयू सवाल शनिबार, असार २३, २०८०

काठमाडौँ- नेपाल शैक्षिक परामर्श संघ (इक्यान)को नयाँ नेतृत्वका लागि हुने निर्वाचनमा उपाध्यक्ष पदमा श्रीराम पौडेलले उम्मेदवारी घोषणा गरेका छन्। आगामी असार ३० गते हुने महाधिवेशनमा शेषराज भट्टराई नेतृत्वको प्यानलबाट उपाध्यक्षमा पौडेलले शनिवार उम्मेदवारी घोषणा गरेका हुन्।

विगत १६ वर्षदेखि निरन्तर शैक्षिक परामर्श व्यवसायमा सक्रिय रहदै आएका परामर्श व्यवसायी पौडेल इक्यानको एकपटक कार्यसमिति सदस्य, दुई कार्यकाल केन्द्रीय सल्लााहकारको रुपमा आफ्नो भूमिका निर्वाह गरिसकेका छन्।

नयाँ कार्यसमितिमा पदाधिकारीको रुपमा काम गरेर देखाउन आफूले उम्मेदवारी दिन चाहेको बताए। भिस्टा एजुकेशन मार्फत विदेश अध्ययनमा जान चाहने विद्यार्थीलाई परामर्श प्रदान गर्दै आएका उनले यस व्यवसायलाई मर्यादित बनाउदै सेवा प्रवाहमा सहजिकरण गर्ने योजना अघि सारेका छन्।

उनले यस अघि निओनको महासचिव, पश्चिमाञ्चल विकास मञ्चको केन्द्रीय सदस्य, बालाजु जेसिजको संस्थापक अध्यक्ष, नेपाल जेसिजको वर्ष २०१७ को मुख्य तालिम आयुक्त, वर्ष २०१८ को महासचिवको रुपमा काम गरिसकेका छन्।

उनलाई नै मत किन दिने ?

१.इक्यानलाई शैक्षिक परामर्श क्षेत्रको अब्बल पेशागत संस्था बनाउन।
२.इक्यानको विधानले किटान गरेको पदीय भूमिका र जिम्मेवारीलाई रचनात्मक हिसाबले निर्वाह गर्न।
३.इक्यानलाई शैक्षिक परामर्श क्षेत्रको अब्बल र अग्रणी संस्था बनाई सामूहिकको नेतृत्वको आधारमा प्रभावकारी ढंगले नेतृत्वदायी भूमिका निर्वाह गर्न।
४.इक्यानका अध्यक्षको प्लान अफ एक्सनलाई प्रभावकारी ढंगले कार्यान्वयन गर्न।
५.इक्यानका सदस्य र शैक्षिक परामर्श व्यवसायीलाई समाज र राज्यले हेर्ने नजरिया र गर्ने व्यवहार बदल्न।
६.शैक्षिक परामर्श व्यवसायीलाई थप सबल बनाउन सदस्यहरुका लागि व्यक्तित्व र नेतृत्व विकास सम्बन्धी विभिन्न तालिम कार्यक्रम सञ्चालन गर्न।
७.विदेश डिजिटल प्लाटफर्मलाई निरुत्साहित गरी स्वदेशी डिजिटल प्लाटफर्मको माध्यमबाट इक्यान इन्डोर्स कलेज तथा विश्वविद्यालयलाई प्रर्वधन गर्न।
८.इक्यानका शाखाहरुको सबलीकरण गर्न केन्द्र र शाखाबीचको सम्बन्ध प्रभावकारी बनाउन।
९.इक्यानको केन्द्र र शाखाको समन्वयमा विभिन्न कार्यक्रम आयोजना गरी सदस्यहरुलाई बिजनेस बढाउने अवसर उपलब्ध गराउने।

प्रकाशित मिति: शनिबार, असार २३, २०८० १८:४४

#इक्यान निर्वाचन

प्रतिक्रिया दिनुहोस्