राष्ट्रिय परीक्षा बोर्डको सदस्य सचिवमा जंगबहादुर अर्याल नियुक्त

समाचार

गृहपृष्ठ
समाचार

राष्ट्रिय परीक्षा बोर्डको सदस्य सचिवमा जंगबहादुर अर्याल नियुक्त

ईडीयू सवाल बिहीबार, जेठ १७, २०८१

काठमाडाैँ- राष्ट्रिय परीक्षा बोर्डको सदस्य सचिवमा जंगबहादुर अर्याल नियुक्त भएका छन्। बोर्डका सदस्य सचिव दुर्गा अर्यालले अनिवार्य अवकास पाएसँगै अर्याल सदस्य सचिवमा नियुक्त भएका हुन्।

पदभार ग्रहण समाराेहमा नवनियुक्त अर्यालले निर्धारित समयमा माध्यमिक शिक्षा परीक्षा (एसईई) र कक्षा १२ को परिक्षा सञ्चालनदेखि बोर्डलाई समयानुकुल प्रविधिमैत्री बनाउन आफू लागिपर्ने प्रतिवद्धता जनाएका छन्।

अर्याल यसअघि कर्मचारी प्रशासन तथा जनशक्ति विकास महाशाखा प्रमुखको जिम्मेवारीमा थिए। नेपाल शिक्षा सेवाको राजपत्रांकित प्रथम श्रेणी अर्थात सहसचिव सरहको अधिकृत वा राष्ट्रिय परीक्षा बोर्डको वरिष्ठ कर्मचारी मध्येबाट मन्त्रालयले तोकेको कर्मचारी सदस्य सचिव बन्ने व्यवस्था छ। पदभार ग्रहण गर्दै अर्यालले परीक्षा बोर्डलाई समयानुकूल चुस्त बनाउनेदेखि तोकिएको जिम्मेवारी पूरा गर्ने बताएका छन्।

विद्यालय शिक्षाको परीक्षा सञ्चालन, व्यवस्थापनका लागि स्थापना भएको राष्ट्रिय परीक्षा बोर्डको मुख्य कार्य परीक्षा पद्धतिको विकास गर्ने हो। सदस्य सचिवको काम, कर्तव्य र अधिकारभित्र बोर्डमा पेश हुने प्रस्ताव तयार गर्ने, बोर्डबाट भएका निर्णय कार्यान्वयन गर्ने, वार्षिक आय, व्यय र कार्यक्रम तयार गर्ने, बोर्डको कोष परिचालन, सम्पत्तिको व्यवस्था, संरक्षण र सञ्चालन गर्ने, बोर्डको वार्षिक आर्थिक विवरण तयार गर्ने र लेखापरीक्षण गराउने लगायत रहेका छन्।

प्रकाशित मिति: बिहीबार, जेठ १७, २०८१ २२:१०