लेटर ग्रेडिङ निर्देशिका २०७८ संशोधन, अबदेखि कक्षा १० मा एनजी आएको विषयमा मात्रै परीक्षा दिन पाइने

समाचार

गृहपृष्ठ
समाचार

लेटर ग्रेडिङ निर्देशिका २०७८ संशोधन, अबदेखि कक्षा १० मा एनजी आएको विषयमा मात्रै परीक्षा दिन पाइने

ईडीयू सवाल शुक्रबार, मंसिर २८, २०८१

भक्तपुर- लेटर ग्रेडिङ निर्देशिका २०७८ संशोधन भएसँगै अबदेखि कक्षा १० को अन्तिम परीक्षा (एसईई) मा अघिल्लो वर्ष एनजी आएको विषयका विद्यार्थीले मात्र परीक्षा दिन पाउने भएका छन् । विद्यार्थीले जुन विषयमा एनजी आएको हो त्यही विषयको मात्रै परीक्षा दिन पाउने व्यवस्था गर्न लागिएकाे हाे। कक्षा ८, १०, १२ मा सबै विषयमा सैद्धान्तिकमा डी र प्रयोगात्मकमा सी ल्याउनै पर्ने हुन्छ। हरेक विषयमा यो ग्रेड प्राप्त नगरेका विद्यार्थीलाई प्रमाणपत्र समेत नदिने बाेर्डले जनाएकाे छ।

संशोधन गरिएको निर्देशिका अनुसार नियमित वा ग्रेड वृद्धि परीक्षामा कम्तीमा डी ल्याउन नल्याए पछि एनजी आएका विद्यार्थीले एनजी आएको विषयको मात्रै परीक्षा दिन पाउँछन्। ‘नियमत र मौका परीक्षा दिँदा पनि एनजी आएका विद्यार्थीले जति विषयमा एनजी आएको हो त्यसको मात्रै परीक्षा दिन पाउँछन’ परीक्षा नियन्त्रक नन्दलाल पौडेलले भने। यो अवसर भने विद्यार्थीले तीन वर्षसम्म पाउछन्।

राष्ट्रिय परीक्षा बोर्डले केही दिनमै परीक्षा फारम खुलाउने तयारी गरेको छ। परीक्षा फारम निःशुल्क गर्ने विषयमा विवाद मिल्न सकेको छैन। बोर्डको वार्षिक कार्यतालिका अनुसार यस वर्ष कक्षा १० को अन्तिम परीक्षा चैत सात गते देखि सञ्चालन हुनेछ।

प्रकाशित मिति: शुक्रबार, मंसिर २८, २०८१ १२:११