आइताबारदेखि हिउँदे बिदा दिने त्रिविको निर्णय

समाचार

गृहपृष्ठ
समाचार

जाडो बढेसँगै हिउँदे बिदा आइताबारदेखि हिउँदे बिदा दिने त्रिविको निर्णय

ईडीयू सवाल शनिबार, पुस १६, २०७९

काठमाडौँ- त्रिभुवन विश्वविद्यालय (त्रिवि)ले जाडो बढेसँगै हिउँदे बिदा दिएको छ। त्रिविअन्तर्गतका आंगिक र सम्बन्धन प्राप्त क्याम्पसमा भोलिदेखि हिउँदे बिदा गर्न थालेको हो।

त्रिवि कार्यकारी परिषद्ले पुस १७ गतेदेखि बढीमा २२ दिन हिउँदे बिदा गर्ने निर्णय गरेको त्रिविको सूचना तथा जनसम्पर्क महाशाखाका प्रमुख योगेन्द्रप्रसाद दाहालले जानकारी दिए।

उनले उक्त समयमा पठनपाठन बन्द हुने र प्रशासनिक कार्य भने सञ्चालन हुने बताए। हिउँदे बिदाको समयमा तोकिएका परीक्षा भने नियमित सञ्चालन हुनेछन्। त्रिविमा ६२ आंगिक र एक हजार ४० सम्बन्धन प्राप्त क्याम्पस छन्।

प्रकाशित मिति: शनिबार, पुस १६, २०७९ २०:२२

#त्रिभुवन विश्वविद्यालय

प्रतिक्रिया दिनुहोस्