शिक्षणसंस्थामा तालाबन्दी नगर्ने ६ विद्यार्थी संगठनको प्रतिबद्धता

समाचार

गृहपृष्ठ
समाचार

शिक्षणसंस्थामा तालाबन्दी शिक्षणसंस्थामा तालाबन्दी नगर्ने ६ विद्यार्थी संगठनको प्रतिबद्धता

ईडीयू सवाल मंगलबार, साउन २, २०८०

काठमाडौँ- सत्तारुढ दलका ६ विद्यार्थी संगठनहरूले संयुक्त रुपमा शिक्षणसंस्थामा तालाबन्दी नगर्ने प्रतिबद्धता जनाएका छन्।
६ विद्यार्थी संगठनका पदाधिकारीसहतिको टोलिले शिक्षामन्त्री अशोक राईलाई १८ बुँदे ज्ञापन पत्र बुझाउँदै शिक्षणसंस्थामा तालाबन्दी नगर्ने प्रतिबद्धता जनाएको हो।

विद्यार्थी संगठनले ‘सेन्ट्रल पोर्टल’ मार्फत विद्यालयदेखि विश्वविद्यालयसम्मको छात्रवृत्ति विवरण सार्वजनिक गर्ने प्रणाली विकास गर्नुपर्ने, विश्वविद्यालयका पदाधिकारी नियुक्तिको राजनीतिक भागबन्डाको अन्त्य गर्नुपर्ने, प्राविधिक शिक्षा तथा व्यवसायिक तालिम परिषद् (सीटीईभीटी)को शुल्क वृद्धि तत्काल खारेज गर्नुपर्ने लगायतका विषय ज्ञापनपत्रमा उल्लेख गरेको छ।

नेपाल विद्यार्थी संघ, अखिल (क्रान्तिकारी), अनेरास्ववियू, अखिल (क्रान्तिकारी), समाजवादी विद्यार्थी युनियन, नेपाल, अखिल (छैठौ) ले यस्तो प्रतिवद्धता जनाएका हुन्।

शिक्षामा व्यापारीकरण र निकीरणका कारण शैक्षिक संस्थाहरू लथालिङ्ग भएको संयुक्त विद्यार्थीको बुझाइ छ। विद्यार्थीहरूले लामो समयदेखि रोकिएको संघीय शिक्षा ऐन तत्काल जारी गर्न समेत माग गरेका छन्।