म्याग्दीको रितुङ्ग माविमा स्मार्ट बोर्ड खरिद गर्न आर्थिक सहयोग

विद्यालय

गृहपृष्ठ
विद्यालय

म्याग्दीको रितुङ्ग माविमा स्मार्ट बोर्ड खरिद गर्न आर्थिक सहयोग

ईडीयू सवाल आइतबार, कात्तिक २३, २०८२

काठमाडाैँ - म्याग्दीको रघुगङ्गा गाउँपालिका-८ कुइनेमंगलेको दुलेखर्कमा अवस्थित रितुङ्ग माध्यमिक विद्यालयमा स्मार्ट बोर्ड खरिदका लागि दुई लाख सहयोग प्राप्त भएको छ। मंगलेखानी बस्तीका दिवङ्गत देविप्रसाद छन्त्यालको स्मृतिमा उनका घरपरिवार र आफन्तजनले विद्यालयमा स्मार्ट बोर्ड खरिदका लागि उक्त सहयोग गरेका हुन्।

गाउँपालिकाको सबैभन्दा दुर्गम ठाउँको विद्यालयको रूपमा परिचित यस विद्यालयमा शिक्षण सिकाईमा आधुनिक सूचना प्रविधिको उपयोगका लागि स्मार्ट बोर्ड खरिद गर्न लागिएको हो।

शुक्रवार विद्यालयमा आयोजित एक कार्यक्रमकाबीच दिवङ्गत छन्त्यालका छोरी प्रेमकुमारी छन्त्याल र नातिनी बुहारी गीता फगामी छन्त्यालले विद्यालयका प्रधानध्यापक खिमबहादुर छन्त्याल र कार्यबहाक अध्यक्ष पदमबहादुर छन्त्याललाई उक्त सहयोग रकम हस्तान्तरण गरेका थिए।

भौगोलिक रूपमा विकटता रहेको यस विद्यालयमा सूचना तथा सञ्चार र प्रविधिमैत्री पठनपाठनका लागि उक्त सहयोग गरिएको विद्यालयका पूर्वशिक्षकसमेत रहेका सहयोगदाता गीता फगामी छन्त्यालले बताइन्। उक्त अवसरमा विद्यालयले सहयोगदातालाई फुल माला र अविर लगाएर सम्मानसमेत गरेको विद्यालयका शिक्षक याम घर्तिमिरेले जानकारी दिए।

प्रकाशित मिति: आइतबार, कात्तिक २३, २०८२ ११:५०