अनुभव र ज्ञान नयाँ पुस्तामा हस्तान्तरण गर्ने लक्ष्यसहित पाल्पामा ज्येष्ठ नागरिक स्कुल सञ्चालन

विद्यालय

गृहपृष्ठ
विद्यालय

अनुभव र ज्ञान नयाँ पुस्तामा हस्तान्तरण गर्ने लक्ष्यसहित पाल्पामा ज्येष्ठ नागरिक स्कुल सञ्चालन

ईडीयू सवाल शुक्रबार, मंसिर २६, २०८२

काठमाडाैँ - रामपुर नगरपालिका-५, स्थित रामघाटमा ज्येष्ठ नागरिक स्कुल सञ्चालनमा ल्याएको छ। ज्येष्ठ नागरिकको अनुभव र ज्ञान नयाँ पुस्तामा हस्तान्तरण गर्ने लक्ष्यका साथ नगरपालिकाले एक करोड २६ लाख लागतमा स्कुल स्थापना गरेकाे हाे।

स्कुल सञ्चालनका लागि आवश्यक पूर्वाधार निर्माण गरी नगरपालिकाले स्कुल सञ्चालन गरेको नगर प्रमुख रमण बहादुर थापाले बताए। ज्येष्ठ नागरिकहरूको ज्ञान र अनुभव नयाँ पुस्तामा हस्तान्तरण गर्नुका साथै उनिहरूलाई सम्मान सहितको सक्रिय जीवन जिउने वातावरण निर्माण गर्न ज्येष्ठ नागरिक स्कुल सञ्चालनमा ल्याएको उनले बताए।

उनले भने,'रोजगारीको सिलसिलामा सन्तानहरू परदेशमा हुँदा ज्येष्ठ नागरिकहरूको दैनिकीमा परेको समस्यालाई मध्यनजर गर्दै उहाँहरूमा खुसी ल्याउन ज्येष्ठ नागरिक स्कुलको अवधारणा अघि बढाएको हो। पाका पुस्तालाई आफ्ना दौँतरीसँग दिन बिताउने वातावरण स्कुलले प्रदान गर्नेछ। यस कार्यक्रमले परम्परागत संस्कार र संस्कृतिको संरक्षण गर्न महत्त्वपूर्ण टेवा पुग्ने अपेक्षा गरिएको छ।'

एक करोडको लागतमा ज्येष्ठ नागरिक स्कुलको भवन सँगै आचार्य निवास, ज्येष्ठ नागरिक केन्द्र लगायतका संरचना निर्माण भएको रामपुर ज्येष्ठ नागरिक स्कुल बनाइएकाे व्यवस्थापन समितिका अध्यक्ष बुद्धि प्रकाश रेग्मीले जानकारी दिए। स्कुल सञ्चालनका लागि विभिन्न व्यक्ति तथा संस्थाहरू बाट पनि आवश्यक सहयोग प्राप्त हुन सुरु भएको उनकाे भनाइ छ।

प्रकाशित मिति: शुक्रबार, मंसिर २६, २०८२ ११:४३