सिद्धीगणेश माध्यमिक विद्यालयलाई आधुनिक भवन हस्तान्तरण, शैक्षिक सुधारमा टेवा पुग्ने अपेक्षा

विद्यालय

गृहपृष्ठ
विद्यालय

सिद्धीगणेश माध्यमिक विद्यालयलाई आधुनिक भवन हस्तान्तरण, शैक्षिक सुधारमा टेवा पुग्ने अपेक्षा

ईडीयू सवाल आइतबार, चैत ८, २०८२

काठमाडाैँ‍ - जिल्लाको सानोसिरूवारीस्थित श्री सिद्धीगणेश माध्यमिक विद्यालय लाई नवनिर्मित सुविधा सम्पन्न भवन हस्तान्तरण गरिएको छ। नेपाल हिल्फे वाल्डकिर्च को आर्थिक सहयोगमा करिब एक करोड रुपैयाँ लागतमा निर्माण गरिएको सेमिनार हलसहितको ६ कोठे आधुनिक भवन विद्यालय व्यवस्थापन समितिलाई औपचारिक रूपमा हस्तान्तरण गरिएको हो। भवनसँगै आवश्यक शैक्षिक सामग्री तथा फर्निचरसमेत उपलब्ध गराइएको छ।

नवनिर्मित संरचनामा विद्यार्थीहरूको दिवा-खाजाका लागि व्यवस्थित भान्साघर, बहुउद्देश्यीय सेमिनार हल, पर्याप्त पार्किङ क्षेत्र तथा आधुनिक शौचालयको व्यवस्था गरिएको छ। यसले विद्यालयको भौतिक पूर्वाधारलाई मजबुत बनाउनुका साथै विद्यार्थीहरूको सिकाइ वातावरणलाई अझ सहज र व्यवस्थित बनाउने विश्वास गरिएको छ।

विद्यालयका प्रधानाध्यापक राजुकुमार यादव ले नयाँ भवनले पठनपाठनमा सकारात्मक परिवर्तन ल्याउने अपेक्षा व्यक्त गरे। “आधुनिक सुविधा सहितको भवन निर्माण भएसँगै विद्यार्थीहरूलाई सिकाइका लागि थप अनुकूल वातावरण मिल्नेछ,” उनले बताए।

विद्यालय व्यवस्थापन समितिका पदाधिकारीहरूले पनि दातृ संस्थाप्रति आभार व्यक्त गर्दै यस सहयोगले ग्रामीण क्षेत्रमा शिक्षाको गुणस्तर सुधार गर्न महत्वपूर्ण भूमिका खेल्ने विश्वास व्यक्त गरेका छन्। स्थानीय समुदायले समेत नयाँ भवन निर्माणले विद्यार्थीहरूको नियमित उपस्थितिमा वृद्धि हुनुका साथै शैक्षिक गतिविधि सञ्चालनमा सहजता आउने अपेक्षा गरेका छन्। विद्यालयले आगामी दिनमा शैक्षिक गुणस्तर अभिवृद्धि गर्दै विद्यार्थीलाई प्रतिस्पर्धी बनाउन थप कार्यक्रम सञ्चालन गर्ने योजना बनाएको जनाएको छ।

प्रकाशित मिति: आइतबार, चैत ८, २०८२ १५:१४