काठमाडौँ महानगर भित्रका विद्यालय वैशाख १५ गतेदेखि खुल्ने

विद्यालय

गृहपृष्ठ
विद्यालय

काठमाडौँ महानगर भित्रका विद्यालय वैशाख १५ गतेदेखि खुल्ने

ईडीयू सवाल शुक्रबार, वैशाख ११, २०८३

काठमाडौँ-काठमाडौँ महानगरपालिकाले शैक्षिक गतिविधि तथा पठनपाठन यही वैशाख १५ गतेदेखि सुरु गर्ने निर्णय गरेको छ।महानगरपालिका शिक्षा तथा स्वास्थ्य समितिको बिहीबारको निर्णयअनुसार विद्यालय सञ्चालनसम्बन्धी सूचनामा आगामी सोमवार देखि विद्यालय संचालन गरिने जनाईएको छ।
सूचनामा नेपाल सरकारको निर्णय तथा काठमाडौँ उपत्यका मेयर्स फोरमको अनुरोधलाई समेत ध्यानमा राखिएको उल्लेख छ।शिक्षक, कर्मचारी तथा विद्यार्थीमा परेको प्रभाव र विद्यालय व्यवस्थापन समितिको तयारीको समग्र विश्लेषणपछि सरोकारवालाहरूमा देखिएको द्विविधा हटाउन यस्तो निर्णय गरिएको महानगरले जनाएको छ।

शिक्षा,विज्ञान तथा प्रविधि मन्त्रालयले वैशाख २१ गते पछि मात्र विद्यालयको नयाँ शैक्षिक सत्र सुरुवात गर्ने निर्णय गरेपनि अधिकांश पालिकाहरुले पालिका अन्तरगतका विद्यालयहरुमा पठन पाठन सूरु गरेका छन्।

चितवनको भरतपुर महानगरले भने सरकारको निर्णयको पालना गर्न निर्देशन दिएको छ । भरतपुर महानगरमा रहेका विद्यालयहरु २१ गते पछि सञ्चलन गर्ने तयारीमा रहेका छन्। सरकारको यो निर्णयको अधिकांश पालिकाहरुले अवज्ञा गर्दे कतै विद्यालय संचालन गरेको पाईएको छ भने कतिपयमा यहि १५ गते देखि विद्यालय संचालनको तयारी गरिएको छ।

प्रकाशित मिति: शुक्रबार, वैशाख ११, २०८३ १३:४१