राहात शिक्षकले शिक्षामन्त्रीलाई गराए आफना मागबारे जानकारी , शिक्षा ऐन मार्फत सबै समस्याको समाधान खोजिने शिक्षामन्त्रीको भनाई

समाचार

गृहपृष्ठ
समाचार

राहात शिक्षकले शिक्षामन्त्रीलाई गराए आफना मागबारे जानकारी , शिक्षा ऐन मार्फत सबै समस्याको समाधान खोजिने शिक्षामन्त्रीको भनाई

ईडीयू सवाल आइतबार, असार १४, २०८३

काठमाडौँ- शिक्षा तथा खेलकुद मन्त्री सस्मित पोखरेलसँग राहात शिक्षक केन्द्रिय समितिका पदाधिकारीहरुले आफना माग बारे जानकारी गराएका छन्। अनौपचारिक रुपमा शिक्षामन्त्री पोखरेल सँग भएको छलफलमा राहात शिक्षकहरुले अहिलेको अवस्था, सरकार सँगको अपेक्षा आदिका विषयमा जानकारी गराएको छलफलमा सहभागी राहत शिक्षक केन्द्रीय समितिका पदाधिकारीहरुले बताए।

अघिल्लो वर्ष एक महिना लामो सडक आन्दोलन भएको स्मरण गराउँदै राहत शिक्षकहरुले त्यतिवेलाको सरकारले माग सम्वोधन गर्ने तत्परता नदेखाउँदा पनि भदौ २३ र २४ को आन्दोलनले नयाँ बाटो तय गरेको र निर्वाचन मार्फत नयाँ बनेको सरकारले ४० हजार भन्दा बढि संख्यामा रहेका राहत शिक्षकहरुका मागलाई सम्वोधन गर्छ भन्नेमा आशावादी रहेको बताए।

मन्त्री पोखरेलले संसदको चालु अधिवेशनमा शिक्षा ऐन जारी हुन नसक्ने बताउँदै आगामी अधिवेशन मार्फत ऐन ल्याउने तयारीमा सरकारको रहेको बताए। हतार हतारमा गर्न भन्दा विषय वस्तुको राम्रो अध्ययन गरि शिक्षा ऐन ल्याउन सरकारले गृहकार्य गरेको मन्त्री पोखरेलले त्यस क्रममा उल्लेख गरे।

आफु शिक्षकहरुको माग र समस्याका बारेमा जानकार रहेको र ऐन मार्फत सवै समस्याको समाधान खोजिने शिक्षामन्त्री पोखरेलले बताए।

प्रकाशित मिति: आइतबार, असार १४, २०८३ १२:४४