शैक्षिक मेला सञ्चालन गर्दा शिक्षामन्त्रालयकाे सर्त पालना गर्नुपर्ने

सूचना

गृहपृष्ठ
सूचना

शैक्षिक मेला सञ्चालन गर्दा शिक्षामन्त्रालयकाे सर्त पालना गर्नुपर्ने

ईडीयू सवाल बिहीबार, असोज १०, २०८१

काठमाडाैँ - अबदेखि शैक्षिक परामर्श सेवा प्रदान गर्ने संस्थाले मेला सञ्चालन गर्दा शिक्षा, विज्ञान तथा प्रविधि मन्त्रालयकाे निर्देशिका अनुसार गर्नुपर्ने भएकाे छ। शैक्षिक परामर्श सेवा, ब्रिज कोर्ष, भाषा शिक्षण कक्षा तथा पूर्वतयारी कक्षा सञ्चालन गर्दा सर्त पालना गर्न शिक्षा, विज्ञान तथा प्रविधि मन्त्रालयले सूचना मार्फत निर्देशन दिएको हाे।

मन्त्रालयबाट स्वीकृति प्राप्त संस्थाहरूलाई परामर्श सेवा उपलब्ध गराउँदा र शैक्षिक मेला आयोजना गर्दा अनिवार्य पालना गर्ने गरी मन्त्रालयले तीन शर्त अघि सारेको हो।

मन्त्रालयले नेपालका विश्वविद्यालय तथा विश्वविद्यालयमा सञ्चालन भएका कार्यक्रम र अवसरहरूको बारेमा परामर्श सेवा उपलब्ध गराउनुपर्ने निर्देशन दिएको छ। मेला सञ्चालनको अनुमति माग गर्दा निर्देशिकामा भए अनुसार गर्नुपर्ने हुन्छ।

शैक्षिक मेला आयोजना गर्दा नवीकरण भएका वा मन्त्रालयमा नवीकरणका लागि प्रक्रिया पूरा गरेका संस्थाहरूमात्र सहभागी गराउ पाउने मन्त्रालयले प्रष्ट पारेको छ। परामर्श सेवामार्फत वैदेशिक अध्ययनमा गएका विद्यार्थीहरू कुनै पनि समस्यामा परेको प्रामाणिक उजुरी प्राप्त भएमा मन्त्रालयबाट प्रदान गरिएको स्वीकृति तुरुन्त रद्द गरिने मन्त्रालयले जारी गरेको सूचनामा उल्लेख गरिएको छ।