पेशागत आन्दोलन र संस्थाप्रति सरकारले बक्रदृष्टि राखेको छ : अध्यक्ष सुवेदी

शिक्षक

गृहपृष्ठ
शिक्षक

पेशागत आन्दोलन र संस्थाप्रति सरकारले बक्रदृष्टि राखेको छ : अध्यक्ष सुवेदी

ईडीयू सवाल आइतबार, असार २१, २०८३

काठमाडौँ- नेपाल शिक्षक महासंघका अध्यक्ष लक्ष्मी किशोर सुवेदीले अहिलेका सरकारले पेशागत आन्दोलन र संस्थाहरु प्रति बक्रदृष्टि र हेपाह चरित्र देखाएको बताएका छन। नेपाल शिक्षक महासंघको काठमाडौँ शाखाको घोषणा कार्यक्रममा बोल्दै अध्यक्ष सुवेदीले पेशागत संगठनहरु ठीक होईनन भन्ने भाष्य सरकारले निर्माण गरेको आरोप लगाए।

अहिलेको सरकार र विगतको सरकार दुवैको अधिकार एकै रहेको भन्दै शासन सत्तामा आउने जाने क्रमचलिरहने भएकाले सवै सरकार प्रति समभाव रहेको तर वर्तमान सरकारले पेशाकर्मीहरु केही होईनन् भन्ने सोचाइ राखेको देखिएको बताए। उनले संविधानले हिजोको र अहिलेको सरकारलाई समान अधिकार दिएकाले फरक अनुभुति गर्न जरुरी नरहेको समेत बताए।

शिक्षक तथा पेशागत संगठनहरु निराश बन्ने अवस्था सरकारले सृजना गरेको छ , उनले भने यस विरुद्ध लड्न आवश्यक छ। ‘शिक्षक सँग भएको तागत र क्षमता आफैले निर्धारण गर्ने हो साथीहरु निराश नहुनुहोला’,उनले भने। ‘भदौ १९ गते देखि रिटार्यड हुदैछु ,तर १८ गते सम्म शरिरमा एक थोपा रगत भए सम्म म लडनेछु’ , सुवेदीले भने।सेवा निवृत्त भएपछि पनि शिक्षकहरुको हकहितका लागि निरन्तर आफु लडिरहने प्रतिबद्धता पनि उनले व्यक्त गरे।

प्रकाशित मिति: आइतबार, असार २१, २०८३ १४:३७