शुल्कवृद्धि पूर्ण रुपमा खारेज नहुन्जेल आन्दोलन जारी राख्‍ने अनेरास्ववियुकाे घाेषणा

समाचार

गृहपृष्ठ
समाचार

शुल्कवृद्धि विरुद्ध अनेरास्ववियु शुल्कवृद्धि पूर्ण रुपमा खारेज नहुन्जेल आन्दोलन जारी राख्‍ने अनेरास्ववियुकाे घाेषणा विश्वविद्यालयका पदाधिकारीहरूलाई कार्यकक्षमा रोक लगाउने

ईडीयू सवाल बिहीबार, भदौ १४, २०८०

काठमाडाैँ- अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) ले इन्जिनियरिङ अध्ययन संस्थान (आईओई) ले गरेकाे शुल्कवृद्धि पूर्ण रुपमा खारेज नहुन्जेल आन्दोलन जारी राख्‍ने जनाएकाे छ।

अनेरास्ववियुले आईओईको शुल्क वृद्धिविरुद्ध अनेरास्ववियु बाहेकका विभिन्न विद्यार्थी संगठन र त्रिविबीच बुधबार भएकाे ५ बुँदे सहमति धोकापत्र भएकाे जनाएकाे हाे।

अनेरास्ववियुले त्रिभुवन विश्वविद्यालयका पदाधिकारीलाई कार्यकक्ष प्रवेशमा रोक लगाउने पनि जनाएको छ। अनेरास्ववियुका अध्यक्ष समिक बडालले शुल्कवृद्धिको विरोधमा शुक्रबारदेखि विश्वविद्यालयका पदाधिकारीहरूलाई कार्यकक्षमा रोक लगाइने बताए।

उनले भने, 'त्रिभुवन विश्वविद्यालयको विश्वप्रसिद्ध संस्थान (आईओई) लाई समाप्त प्रार्ने शैक्षिक माफियाको योजनामा लिप्त विश्वविद्यालयको नेतृत्वले बालुवाटारमा बसेर गरेको "ब्याख्यात्मक घोषणा" विरुद्ध अनेरास्ववियु निरन्तर आन्दोलनमा रहेको छ। शुल्कवृद्धि पुर्ण रुपमा खारेज नहुन्जेल आन्दोलन निरन्तर अघि बढ्नेछ। भोलि देखि विश्वबिधालयका पदाधिकारीहरूलाई कार्यकक्ष प्रवेश निषेध लगायतका आन्दोलनका कार्यक्रमहरु मार्फत अघि बढ्नेछौ।'

इन्जिनियरिङ अध्ययन संस्थान (आईओई) लाई समाप्त प्रार्ने शैक्षिक माफियाको योजनामा लिप्त भएको भन्दै अनेरास्ववियुले बिहीबार सडक प्रदर्शन गरेको थियो।