फेल भएका विद्यार्थी दीक्षित भएपछि केयूले बनायो छानबिन समिति

विश्वविद्यालय

गृहपृष्ठ
विश्वविद्यालय

फेल भएका विद्यार्थी दीक्षित भएपछि केयूले बनायो छानबिन समिति

ईडीयू सवाल सोमबार, पुस ८, २०८१

काठमाडाैँ - काठमाडौँ विश्वविद्यालयमा फेल भएका विद्यार्थी दीक्षित भएपछि छानबिन समिति गठन गरिएकाे छ।

केयूको गत २९ मंसिरमा भएको दीक्षान्त समारोहमा स्कुल अफ म्यानेजमेन्ट अन्तर्गत डिग्री पूर्ण नभएका र बीचमै अध्ययन छाडेर गएका समेत फेल भएका ८ जना विद्यार्थीहरूको नाम ग्रेसलिस्टमा परेपछि छानबिन समिति बनाइएको हो।

स्कुल अफ ल का प्रा.डा. हृषिकेश वाग्लेको संयोजकत्वमा छानबिन समिति बनाइएको हो।समितिमा पूर्वपरीक्षा नियन्त्रक प्राडा पन्ना थापा र पूर्वपरीक्षा सिहनयन्त्रक वीरेन्द्रबहादुर लाखे सदस्य रहेका छन्। प्रतिवेदन पेस गर्न समितिलाई एक साताको समय दिइएको छ।

परीक्षा समितिका अध्यक्ष तथा रजिस्ट्रार प्रा.डा अच्युत वाग्लेले आन्तरिक अनुसन्धान गर्न निर्देशन दिएका छन्। ‘मानवीय कमजोरीले इन्ट्री गर्नेबेलामा त्रुटि भएको हो। इन्ट्री गर्नेले त्रुटि स्वीकार गर्नुभएको छ। थप अनुसन्धान गर्न समिति बनाएका हौँ,’ रजिस्ट्रार वाग्लेले भने, ‘ग्रेसलिस्टमा परेको मात्र हो। सर्टिफिकेट लगेको छैन। ग्रेसलिस्ट सच्याउनुपर्छ।’

परीक्षा नियन्त्रक कार्यालयमा कार्यरत अधिकृत सीएन खड्काले गल्ती स्वीकार गरेका छन्।

विज्ञप्ति :