विद्यालय तहदेखि विश्वविद्यालयसम्मकाे पठनपाठनमा घोकन्ते विद्याको अन्त्य गर्न सांसद श्रेष्ठकाे सुझाब

भिडियो

गृहपृष्ठ
भिडियो

विद्यालय तहदेखि विश्वविद्यालयसम्मकाे पठनपाठनमा घोकन्ते विद्याको अन्त्य गर्न सांसद श्रेष्ठकाे सुझाब

ईडीयू सवाल बिहीबार, जेठ १, २०८२

काठमाडाैँ - राष्ट्रिय स्वतन्त्र पार्टी (रास्वपा) सांसद सुमना श्रेष्ठले विद्यालयदेखि विश्वविद्यालयसम्मकाे पठनपाठनमा घोकन्ते विद्याको अन्त्य हुनुपर्ने बताएकी छन्। बिहिबार प्रतिनिधि सभाको बैठकमा बोल्दै उनले आफुले एसएलसी दिदाँको समयमा विद्यालय पठनपाठनमा प्रयोग भएकाे विद्या हालसम्म पनि उस्तै रहेको बताएकी हुन्।

सांसद श्रेष्ठले देशले नयाँ सोच नयाँ विकास खोजेपनि लागू गर्न नसकेको बताएकी छिन्। उनले भनिन्,'अझै पनि कम्प्युटरबाट पेनड्राईभमा सूचना आदानप्रदान गरेझै विद्यार्थीहरुलाई घोकाउन छोड्नुस्। उनीहरुले तपाईको विषयको कुरा बुझिरहेको छ वा छैनन् भन्ने विषयबारे पनि मापन गर्ने गर्नुस्।'

उनले पछिल्लो समय विद्यार्थीहरु एआईमा मात्र सिमित रहेर घोक्ने प्रणालीको अन्त्य गर्नुपर्ने बताइन्। उनले भनिन्,'एआईमै सिमित रहेर पढ्न छोड्नुस्। खोज्नुस्,रिर्सच गर्नुस् पढ्नमा समय खर्चिनुस्। शिक्षा आयोग, लोकसेवा आयोग जस्ता सरकारी निकायले लिने परीक्षामा परीक्षार्थीको स्मरण शक्ति र विषयगत ज्ञानको पनि मापन हुन्छ।'

प्रकाशित मिति: बिहीबार, जेठ १, २०८२ १३:३२