निजामती सरह मर्यादाक्रम ताेकेर शिक्षकलाई निर्वाचनमा खटाउन महासंघको माग

समाचार

गृहपृष्ठ
समाचार

निजामती कर्मचारी सरह सेवा सुविधा दिएर मात्र निर्वाचनमा खटाउन शिक्षक महासंघको माग निजामती सरह मर्यादाक्रम ताेकेर शिक्षकलाई निर्वाचनमा खटाउन महासंघको माग

ईडीयू सवाल बिहीबार, भदौ २, २०७९

फाइल तस्बिर

काठमाडौँ - नेपाल शिक्षक महासंघले शिक्षकलाई निजामती कर्मचारी सरह सेवा सुविधा दिएर मात्र निर्वाचनमा खटाउन माग गरेको छ। महासंघले निर्वाचनमा शिक्षक खटाउँदा निजामती कर्मचारीलाई सरह पद दिनुपर्ने माग गरेको हो।

महासंघले विज्ञप्ति जारी गर्दै विगतका निर्वाचनमा शिक्षकलाई खटाउदा निजामती सेवाको समान वा तल्लोतहको पदभन्दा तल राखी जिम्मेवारी दिएको पाइएकोले यस पटकको निर्वाचनमा तह र मर्यादालाई ख्याल राखी जिम्मेवारी प्रदान गर्न निर्वाचन आयोगलाई ध्यानाकर्षण गराएको छ।

महासंघले शिक्षकको तह श्रेणी र निजामती सेवाको समान तहको पद अनुसार प्रावि तृतीय श्रेणीलाई खरिदार सरह, प्राविद्वितीय र निमा तृतीयलाई नासु सरह, निमा द्वितीय र मावि तृतीया श्रेणीलाई शाखा अधिकृत सरह, निमा प्रथम र मावि द्वितीयलाई उपसचिव सरह र मावि प्रथम शिक्षकलाई सहसचिव सरह जिम्मेवारी दिन माग गरेको छ।

प्रकाशित मिति: बिहीबार, भदौ २, २०७९ २०:५६

#निर्वाचन

प्रतिक्रिया दिनुहोस्