'ईक्यान ललितपुर एजुकेशनल युथ समिट' सम्पन्न (फोटोफिचर)

विदेश अध्ययन

गृहपृष्ठ
विदेश अध्ययन

'ईक्यान ललितपुर एजुकेशनल युथ समिट' सम्पन्न (फोटोफिचर)

ईडीयू सवाल सोमबार, जेठ १९, २०८२

काठमाडाैँ- नेपाल शैक्षिक परामर्श सघं(ईक्यान)ललितपुरद्वारा आयोजित 'ईक्यान ललितपुर एजुकेशनल युथ समिट' सफलतापूर्वक सम्पन्न भएको छ।उक्त समिट सोमबार ललितपुर स्थित होटल हिमालयमा सम्पन्न भएकाे हाे।

यस कार्यक्रममा बाेल्दै पूर्वप्रधानमन्त्री तथा नेकपा एकिकृत समाजवादी पार्टीका अध्यक्ष माधवकुमार नेपालले नेपाली विद्यार्थीहरु सबै क्षेत्रमा अब्बल बन्दै गएकोमा खुशी व्यक्त गरे। उनले विद्यार्थीहरुलाई प्रोत्साहन गर्दै मेहेनत गरेर प्रतिभाको विकास गर्नुपर्ने पनि सुझाव दिए।

उनले राजनीतिक दलहरुले आन्दोलनका नाममा पटक पटक शैक्षिक संस्था बन्द गरेका कारण विद्यार्थीहरु विदेश गएर पढ्न बाध्य भएको पनि बताए।

उनले भने ‘देशमा सकारात्मक भन्दापनि नकारात्मक सोच बढी हाबी भइरहेको छ। कुनै मानिसको चर्चा राम्रो कामको हुँदैन। राम्रो कुराबाट प्रंसंसा हुँदैन। त्यसैले यस्ता कुरा हटाउन शिक्षामा गुणस्तरीयता चाहिन्छ। सबैकुरा शिक्षाबाट निर्धारण हुने भएकाले यसमा ध्यान दिनु जरुरी छ। कसैका आफ्ना आग्रहका कारण शैक्षिक संस्था बन्द गरिनु उचित होइन्।’

विद्यार्थीहरुलाई युवा नेटवर्किङ लगायतका रोमाञ्चक अवसरहरू प्रदान गर्नु यस कार्यक्रमकाे मुख्य उदेश्य रहेकाे ललितपुर शाखाका अध्यक्ष अरविन्द सिंहले बताए। त्यस्तै कार्यक्रममा प्रेरणादायी वक्ता, युवा नेटवर्किङ लगायतका थुप्रै प्रत्यक्ष फरक- फरक शैक्षिक,संगीत, तथा रचनात्मक सेसनहरु रहेकाे थियाे।