‘स्टडी इन इन्डिया एक्सपो’ मा विद्यार्थीहरुको उल्लेख्य उपस्थिति (फोटोफिचर)

विदेश अध्ययन

गृहपृष्ठ
विदेश अध्ययन

‘स्टडी इन इन्डिया एक्सपो’ मा विद्यार्थीहरुको उल्लेख्य उपस्थिति (फोटोफिचर)

ईडीयू सवाल शुक्रबार, साउन २३, २०८२

काठमाडौँ - भारतमा अध्ययनबारे सम्पूर्ण जानकारी प्रदान गरिने ‘स्टडी इन इन्डिया एक्सपो’ मा शुक्रबार विद्यार्थीहरुको उल्लेख्य उपस्थिति रहेकाे छ। उच्च शिक्षाका लागि भारत जान चाहने विद्यार्थी तथा अभिभावकलाई लक्षित गरी अफेयर्सले नयाँबानेश्वरस्थित एभरेष्ट होटलमा सञ्चालन गरेकाे एक्सपो साउन २३ र २४ गते (शुक्रबार र शनिवार) दुई दिनसम्म चल्ने छ।

एक्सपोले नेपालमै भारतका प्रमुख विश्वविद्यालय र कलेजहरूलाई एउटै छानामुनि ल्याइ सहभागी शैक्षिक संस्थाहरूका प्रतिनिधिहरू वा तिनका आधिकारिक नेपाली कन्सल्टेन्सि मार्फत प्रत्यक्ष परामर्श लिने अवसर प्रदान गरिएकाे आयाेजकले जनाएकाे छ।

अफेयर्स नेपालका संस्थापक तथा प्रबन्ध निर्देशक कुमार थपलियाका अनुसार एक्सपोमा इन्जिनियरिङ, नर्सिङ, डेन्टल, पेरामेडिकल, डिजाइन, व्यवस्थापन, होटल म्यानेजमेन्ट, पत्रकारिता, आर्किटेक्चर, सूचना प्रविधि (आइटी), कृत्रिम बुद्धिमत्ता (एआई), मेसिन लर्निङ (एमएल) जस्ता विषयमा मेरिट आधारमा स्पट एडमिशन र छात्रवृत्ति पनि उपलब्ध हुने जानकारी दिइएको छ।

'विद्यार्थीहरूले आफ्ना रुचि र क्षमताअनुसार भविष्यमा रोजगारीको सम्भावना हुने क्षेत्रको सही छनोट गर्नुपर्छ। यही सन्देश यो एक्सपोले दिन खोजेको हो,' थपलियाले भने।

विद्यार्थीहरुलाई पाठ्यक्रम छनोट, भर्ना प्रक्रिया, छात्रावास सुविधा, शुल्क संरचना, पूर्वाधार र कलेज जीवनको अनुभव जस्ता महत्त्वपूर्ण पक्षबारे विश्वविद्यालयका प्रतिनिधिहरूद्वारा प्रत्यक्ष जानकारी प्रदान गर्ने उदेश्यले यस रहेकाे एक्सपोकाे आयाेजना गरिएकाे आयाेजकले जनाएकाे छ।