काठमाडाैँ - विदेश अध्ययन गर्न चाहने विद्यार्थीहरुलाई शैक्षिक परामर्श सेवा प्रदान गर्दे आएको ग्लोबल कन्सल्टले' मल्टी डेस्टिनेशन एड्मिशन विक' कार्यक्रमकाे आयोजना गर्ने भएको छ। ग्लोबलले भदौँ १६ गते देखी २० गतेसम्म (सेप्टेम्बर १-५) नँया बानेश्वर स्थित आलोकनगरको केन्द्रिय कार्यालयमा ५ दिने एड्मिशन फेयरको आयोजना गर्न लागेको हो।
यस फेयरबाट विद्यार्थी, अभिभावक तथा अन्य सरोकारवालाले अन्तर्राष्ट्रिय शिक्षा सम्बन्धि सत्यतथ्य जानकारी लिन सक्नेछन्। अमेरीका, यूके, क्यानडा, न्युजील्याण्ड, अष्ट्रेलिया, लगायत विभिन्न मुलुकमा अध्ययन गर्न जान चाहने विद्यार्थीलाई शैक्षिक परामर्श सेवा प्रदान गर्ने उदेश्यले यस फेयरको आयोजना गर्न लागेको आयोजक संस्था ग्लोबल कन्सल्टका प्रबन्ध निर्देशक भाेजराज न्याैपानेले जानकारी दिए। उनले भने, 'यस फेयरमा कलेज तथा विश्वविद्यालयका आधिकारीक प्रतिनिधिहरुको सहभागीता रहनेछ र विद्यार्थीले विदेश अध्ययनबारे सम्पूर्ण जानकारी लिन सक्नेछन्। विद्यार्थीलाई भाषा तयारी कक्षा र प्रक्रियागत शुल्कमा विशेष छुटकाे व्यवस्था गरिएकाे छ।'
नेपाली विद्यार्थीहरुलाई स्वदेशी एवम् विदेशी शिक्षा प्रणाली तथा प्राप्त योग्यताको भावि सम्भावना एवं अवसरहरुका बारेमा पर्याप्त सूचना प्रवाह गर्नुका साथै स्वदेशी तथा विदेशी शैक्षिक संस्थाहरु, विश्वविद्यालयहरु र त्यहाँ प्राप्त हुन सक्ने छात्रवृत्ति, सुविधा एवं गुणस्तरीय शिक्षामा नेपाली विद्यार्थीहरुको समुचित पहुँचको लागि परामर्श सेवा प्रदान गर्ने प्रमुख उद्देश्य रहेकाे उनकाे भनाइ छ।
यस मेलामा ५ दिनसम्म विशेष गरी विदेशमा अध्ययन गर्ने इच्छुक विद्यार्थीहरूलाई विश्वका विभिन्न शिक्षण संस्थाहरू, तिनका शैक्षिक प्रणालीहरू, पाठ्यक्रमहरू, भर्ना प्रक्रिया, र अन्तर्राष्ट्रिय स्तरमा मान्यताप्राप्त डिग्रीहरूबारे विस्तृत जानकारी प्रदान गरिनेछ। यसै गरी विद्यार्थीहरूले विदेशमा अध्ययन गर्न आवश्यक योग्यता, कागजातहरू, भिसा प्रक्रियादेखि छात्रवृत्ति अवसरहरूसम्म प्रत्यक्ष परामर्श प्राप्त गर्ने अवसर पाउने प्रबन्ध निर्देशक न्याैपानेले बताए।
