ईक्यान केन्द्रीय उपाध्यक्षमा बासुदेव दाहालकाे उम्मेदवारी घोषणा, सक्षम र सदस्य केन्द्रित संस्था बनाउने उद्घाेष

विदेश अध्ययन

गृहपृष्ठ
विदेश अध्ययन

ईक्यान केन्द्रीय उपाध्यक्षमा बासुदेव दाहालकाे उम्मेदवारी घोषणा, सक्षम र सदस्य केन्द्रित संस्था बनाउने उद्घाेष

ईडीयू सवाल आइतबार, पुस २०, २०८२

काठमाडौँ - नेपाल शैक्षिक परामर्श संघ (इक्यान) को आसन्न निर्वाचनका लागि बासुदेव दाहालले केन्द्रीय उपाध्यक्ष पदमा उम्मेदवारी घोषणा गरेका छन्। प्राञ्जल एजुकेशनका सञ्चालक दाहालले यही पौष २८ गते सम्पन्न हुन गइरहेको इक्यानको २०औँ साधारण सभा अन्तर्गत हुने केन्द्रीय निर्वाचनका लागि उपाध्यक्ष पदमा उम्मेद्वारी दिने घाेषणा गरेका हुन्।

शैक्षिक परामर्श क्षेत्रमा लामो समयदेखि सक्रिय रहँदै आएका दाहाल इक्यानका गतिविधिसँग जाेडिदै आएका छन्। उनी प्रकाश पाण्डे नेतृत्वको इक्यानकाे कार्यकालमा केन्द्रीय सचिव थिए। अघिल्लो निर्वाचनमा विष्णुहरी पाण्डे प्यानलबाट महासचिवका उम्मेद्वार भएका दाहाल अहिलेका अध्यक्षका प्रत्यासी दीपकराज भुषालसँग पराजीत भएका थिए। शैक्षिक परामर्श व्यवसायको व्यावसायिक मर्यादा अभिवृद्धि, संस्थागत सुदृढीकरण तथा सदस्यहरूको साझा हित प्रवर्द्धनलाई प्राथमिकतामा राख्दै उनले उपाध्यक्ष पदमा उम्मेदवारी दिएको बताएका छन्।

प्रकाशित मिति: आइतबार, पुस २०, २०८२ १४:१४