इक्यानको सचिवमा लालबहादुर तामाङ (एलबी)को उम्मेदवारी घाेषणा, सबल, सक्षम र पारदर्शी इक्यान बनाउने प्रतिबद्धता

विदेश अध्ययन

गृहपृष्ठ
विदेश अध्ययन

इक्यानको सचिवमा लालबहादुर तामाङ (एलबी)को उम्मेदवारी घाेषणा, सबल, सक्षम र पारदर्शी इक्यान बनाउने प्रतिबद्धता

ईडीयू सवाल आइतबार, पुस २०, २०८२

काठमाडाैँ - नेपाल शैक्षिक परामर्श संघ (इक्यान) को सचिवमा लालबहादुर तामाङ (एलबी) ले उम्मेदवारी घोषणा गरेका छन्। ‘सबल, सक्षम र पारदर्शी इक्यानः सम्पूर्ण व्यवसायीहरुको उत्थान’ नाराका साथ एलबीले पुस २८ गते हुने निर्वाचनका लागि उम्मेदवारी घोषणा गरेका हुन्।

तामाङले इक्यानलाई प्रविधिमैत्री, मितव्ययी र व्यवसायीमैत्री बनाउने प्रतिबद्धता शैक्षिक परामर्श क्षेत्रमा इमान्दारिता र पारदर्शिताको खाँचो औँल्याउँदै आफ्नो उम्मेदवारी दर्ता गराएको दाबी गरेका छन्।

उनले संस्थाको आर्थिक तथा प्रशासनिक गतिविधिलाई पारदर्शी बनाउने र फजुल खर्च कटौती गरी मितव्ययी बनाउने, वर्तमान समयमा शैक्षिक परामर्श व्यवसायीले भोग्नुपरेका समस्याहरुको पहिचान गरी समाधानका लागि पहल गर्ने, संस्थाको कार्यप्रणालीलाई आधुनिक प्रविधिसँग जोड्दै सेवा प्रवाहलाई छिटो र छरितो बनाउने लगायतका प्रतिबद्धता जनाएका छन्।

उनले भने,‘आज शैक्षिक परामर्श क्षेत्र विभिन्न समस्याबाट प्रताडित छ। यी समस्या हल गर्न र संस्थालाई नयाँ उचाइमा पुर्याउन नयाँ योजना भएका उम्मेदवारलाई अवसर दिनुहुनेछ भन्नेमा म विश्वस्त छु’।

प्रकाशित मिति: आइतबार, पुस २०, २०८२ १४:५०