सडक नाटकमार्फत लागूऔषध प्रयोगले परिवारमा पार्ने असर सिकाउँदै विद्यार्थी

विद्यार्थी

गृहपृष्ठ
विद्यार्थी

सडक नाटकमार्फत लागूऔषध प्रयोगले परिवारमा पार्ने असर सिकाउँदै विद्यार्थी

ईडीयू सवाल बिहीबार, कात्तिक २२, २०८१

काठमाडाैँ - वालिङ नगरपालिका- ११ गब्देमा रहेको बाल शिक्षा निकेतन आधारभूत विद्यालयका विद्यार्थीहरुले सडक नाटकमार्फत जनचेतना फैलाउने नाटक गरेका छन्। विद्यार्थीहरुले लागूऔषधको सेवनले परिवार तथा समाजमा पर्ने असरबारे अभिभावकलाई बुझाउन सडक नाटक प्रस्तुत गरेका हुन्।

नाटकमा अभिभावकहरुले बेलैमा आफ्ना बालबालिकालाई ध्यान दिनु पर्ने सन्देश दिइएको थियो। अभिभावकले ध्यान नदिँदा भविष्यमा गम्भीर समस्या आउनेबारे नाटकमा रोचक तरिकाबाट प्रस्तुत गरिएको थियो।

विद्यालयका शिक्षकहरुको सहयोगमा सडक नाटक प्रस्तुत गरिएको विद्यालयका अध्यक्ष बिमल अर्यालले जानकारी दिए। उनले भने,'जाँडरक्सी तथा लागूऔषध परिवार र समाजका लागि ठूलो शत्रु हो भन्ने सन्देश नाटक मार्फत दिईएको हो।' बालबालिकाहरु कसरी कुलतमा फस्छन् र कसरी बचाउन सकिन्छ भन्ने जानकारी दिईएको अर्यालको भनाइ छ।

सो अवसरमा बोल्दै गण्डकी प्रदेश सभाका सदस्य तथा अर्थ समितिका सभापति भोजराज अर्यालले नाटकमार्फत् बालबालिकाले समाजलाई गतिलो जवाफ फर्काएको बताए। अभिभावकले आफ्ना बालबालिकाको अवस्था के छ, संगत कस्तो छ, पढाइको अवस्था के छ भन्ने निरन्तर जानकारी राख्नु पर्नेमा सभापति अर्यालले जोड दिए।

प्रकाशित मिति: बिहीबार, कात्तिक २२, २०८१ १३:०२