विद्यार्थीलाई देश चिनाउने माध्यम बनाउन सकिन्छ : मन्त्री पाण्डे

विदेश अध्ययन

गृहपृष्ठ
विदेश अध्ययन

विद्यार्थीलाई देश चिनाउने माध्यम बनाउन सकिन्छ : मन्त्री पाण्डे

ईडीयू सवाल आइतबार, पुस २८, २०८१

काठमाडाैँ - संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले विद्यार्थीलाई देश चिनाउने माध्यम बनाउन सकिने बताएका छन्। पुष २७ गते शनिबार काठमाडौँमा नेपाल शैक्षिक परामर्श सङ्घको १९ औं वार्षिक साधारण सभालाई सम्बोधन गर्दे पाण्डेले साे कुरा बताएका हन्।

मन्त्री पाण्डेले अहिले पनि दक्ष जनशक्तिहरू नेपालमै केही गरौँ भन्ने ध्येयले स्वदेशमै स्वरोजगार बनि बसिरहेको बताए। उहनले देशभित्र पनि केही हुन्छ भन्ने आत्मविश्वास नयाँ पुस्तामा जागृत गर्न जरुरी रहेको औंल्याए। उनले देश रित्तो भयो भन्ने नकारात्मक भाष्य नयाँ पुस्तामा सम्प्रेषण गर्न नहुने बताए। युवालाई देशभित्र बस्नका निम्ति वातावरण बनाउनुपर्ने उनको भनाइ छ।

‍‘यति ठुलो जनशक्ति तपाईंहरू देशभित्रै हुनुहुन्छ। देशभित्र पनि एउटा आत्मविश्वासका साथ रहनुभएको छ। सबै एक सय एक क्षमता भएको व्यक्ति हुनुहुन्छ। विदेश नै गएर बस्नसक्ने क्षमता राख्नुहुन्छ। तर यही ठाउँमा उभिएर यहाँकै नयाँ पुस्तालाई सहजता प्रदान गरौँ भन्ने अठोट राख्नुभएको छ। अहिले थुप्रै विद्यार्थी बाहिर जानुभएको छ। यसलाई नकारात्मक भाष्यका रूपमा देश रित्तो हुने भयो भन्ने भाष्यका रूपमा अघि बढाएका छौँ। त्यसका राम्रा र नराम्रा पाटा मूल्याङ्कन र समीक्षाको विषय हो। हामी त्यसलाई ठिक बाटो तय गर्नेछौँ।’,

मन्त्री पाण्डेले भने, ‘तर नकारात्मक भाष्य मात्रै सम्प्रेषण गरेर हामीले थप नयाँ पुस्तालाई निराश बनाउनु हुँदैन। बाहिर जाने कुरा दुनियाँभर भइरहेको छ। यो विश्वव्यापीकरणको परिणामको रूपमा भइरहेको छ। यसमा चिन्ता गर्नुपर्ने छैन। यसमा नेपालले के फाइदा लिनसक्छ त्यसमा ध्यान दिनुपर्छ। त्यो पनि देशको विकासका लागि आवश्यक छ। देशभित्र बस्ने अठोट, देशभित्र बस्नका निम्ति आस्था सञ्चार गर्ने अठोट लिनुपर्छ।’

प्रकाशित मिति: आइतबार, पुस २८, २०८१ ११:२६