१.८ जीपीए ल्याउने विद्यार्थीले सीम्याट परीक्षामा आवेदन दिन सक्ने

समाचार

गृहपृष्ठ
समाचार

१.८ जीपीए ल्याउने विद्यार्थीले सीम्याट परीक्षामा आवेदन दिन सक्ने १.८ जीपीए ल्याउने विद्यार्थीले सीम्याट परीक्षामा आवेदन दिन सक्ने

ईडीयू सवाल सोमबार, भदौ २०, २०७९

काठमाडौँ- त्रिभुवन विश्वविद्यालय व्यवस्थापन संकायको डीन कार्यालयले कक्षा १२ को परीक्षामा १.८ जीपीए ल्याउने विद्यार्थीले पनि सीम्याट परीक्षामा आवेदन दिन सक्ने सक्ने जनाएको छ।

कार्यालयले सूचना जारी गर्दै त्रिवि व्यवस्थापन स्नातक तह भर्नाका लागि लिइने सीम्याट परीक्षाको यस अघिको मापदण्ड परिवर्तन गरेको हो।

व्यवस्थापन संकाय स्नातक तहको (बीबीए, बीबीएम, बीआईएम, बीपीए, बीएचएम, बीटीटीएम र बीएमएस) कार्यक्रममा भर्नाका लागि लिइने प्रवेश परीक्षामा १.८ जीपीए ल्याएका विद्यार्थी भर्ना हुन पाउने जनाएको छ।

सिम्याटका लागि कक्षा ११ र १२ कम्तिमा डी प्लस वा कम्तिमा सेकेण्ड डिभिजन हुनुपर्ने व्यवस्थालाई परीवर्तन गरेको कार्यालयले जारी गरेको सूचनामा उल्लेख छ।

डीन कार्यालयले जारी गरेको सूचनामा उच्च माध्यामिक शिक्षा परिषद्ले कक्षा १२ को नतिजामा लेटर ग्रेडिङ निर्देशिका ०७८ मा भएको ग्रेड निर्धारण सम्बन्धी व्यवस्थामा परिवर्तन गरेको उल्लेख छ।

सीम्याट परीक्षामा कक्षा १२ को नतिजामा पुनर्योगका लागि आवेदन दिएका विद्यार्थीहरू पनि सहभागि हुन पाउने डीन कार्यालयले जारी गरेको सूचनामा उल्लेख छ।