कक्षा ११ मा छात्रवृत्तिका लागि काठमाडौँ महानगरको अनलाइन आवेदन खुला

सूचना

गृहपृष्ठ
सूचना

कक्षा ११ मा छात्रवृत्तिका लागि काठमाडौँ महानगरको अनलाइन आवेदन खुला

ईडीयू सवाल बुधबार, वैशाख ३०, २०८३

काठमाडौँ - काठमाडौँ महानगरपालिकाले शैक्षिक सत्र २०८३/०८४ का लागि महानगर अन्तर्गतका संस्थागत विद्यालयहरूमा कक्षा ११ र १२ मा छात्रवृत्ति कोटामा अध्ययन गर्न इच्छुक विद्यार्थीहरूका लागि अनलाइन आवेदन खुला गरेको छ।

महानगरको शिक्षा विभागद्वारा जारी सूचनाअनुसार छात्रवृत्ति परीक्षा प्रणालीमार्फत वितरण गरिनेछ। इच्छुक विद्यार्थीहरूले महानगरपालिकाको आधिकारिक वेबसाइट वा entrance.kathmandu.gov.np मार्फत आवेदन दिन सक्ने व्यवस्था गरिएको छ।

आवेदन प्रक्रिया २०८३ जेठ १ गते बिहान १०:०० बजेदेखि सुरु हुने र २०८३ जेठ १० गते राति ११:५९ बजेसम्म कायम रहनेछ। छात्रवृत्ति छनोटका लागि परीक्षा २०८३ जेठ १७ गते बिहान ८:०० देखि १०:०० बजेसम्म सञ्चालन गरिनेछ।

परीक्षामा कक्षा १० को पाठ्यक्रममा आधारित १०० वटा वस्तुगत बहुवैकल्पिक प्रश्नहरू समावेश गरिने शिक्षा विभागले जनाएको छ। विषयगत अङ्कभार, विभिन्न विद्यालयमा उपलब्ध कोटा तथा परीक्षा केन्द्र सम्बन्धी विस्तृत जानकारी महानगरपालिकाको वेबसाइट www.kathmandu.gov.np⁠ मा उपलब्ध रहेको छ।

महानगरपालिकाले योग्यता पुगेका सबै विद्यार्थीलाई समयमै अनलाइन फाराम भरी यस अवसरको लाभ लिन आग्रह गरेको छ।