८ विश्वविद्यालयमा उपकुलपति नियुक्ति प्रक्रिया सुरु, १० दिनभित्र दरखास्त दिन आग्रह

सूचना

गृहपृष्ठ
सूचना

८ विश्वविद्यालयमा उपकुलपति नियुक्ति प्रक्रिया सुरु, १० दिनभित्र दरखास्त दिन आग्रह

ईडीयू सवाल शुक्रबार, वैशाख २५, २०८३

काठमाडौँ — देशका आठ वटा विश्वविद्यालयमा रिक्त उपकुलपति पद पूर्तिका लागि दरखास्त आह्वान गरिएको छ। उपकुलपति छनोट तथा सिफारिस समितिले शुक्रबार सार्वजनिक सूचना जारी गर्दै इच्छुक तथा योग्य व्यक्तिहरूलाई आवेदन दिन आह्वान गरेको हो।

समितिका अनुसार त्रिभुवन विश्वविद्यालय, पूर्वाञ्चल विश्वविद्यालय, पोखरा विश्वविद्यालय, लुम्बिनी बौद्ध विश्वविद्यालय, कृषि तथा वन विज्ञान विश्वविद्यालय, मध्यमपश्चिम विश्वविद्यालय, सुदूरपश्चिम विश्वविद्यालय र राजर्षि जनक विश्वविद्यालय मा उपकुलपति पदका लागि आवेदन माग गरिएको हो।

सूचनाअनुसार आजको मितिबाट १० दिनभित्र शिक्षा, विज्ञान तथा प्रविधि मन्त्रालय को वेबसाइटमा उपलब्ध लिंकमार्फत् अनलाइन दरखास्त पेस गर्नुपर्नेछ।

सरकारले हालै जारी गरेको अध्यादेशमार्फत् ती विश्वविद्यालयका पदाधिकारीहरू पदमुक्त भएपछि नयाँ नियुक्ति प्रक्रिया अघि बढाइएको हो।

यसअघि रिक्त उपकुलपति पदका लागि नाम सिफारिस गर्न गठित समितिले वैशाख २४ गते एकीकृत कार्यविधि स्वीकृत गरिसकेको छ। उक्त कार्यविधि पनि मन्त्रालयको वेबसाइटमार्फत् सार्वजनिक गरिएको समितिले जनाएको छ।