महाकवि देवकोटा क्याम्पस र सर्वोत्तम सिमेन्टबीच रोजगार सम्झौता

राेजगारी

गृहपृष्ठ
राेजगारी

महाकवि देवकोटा क्याम्पस र सर्वोत्तम सिमेन्टबीच रोजगार सम्झौता

ईडीयू सवाल आइतबार, कात्तिक ३०, २०८२

काठमाडाैँ - पश्चिम नवलपरासीको सुनवलस्थित महाकवि देवकोटा क्याम्पसबाट पढाइ सकेपछि प्रत्येक वर्ष चार (४) जना दक्ष जनशक्तिलाई सर्वोत्तम सिमेन्ट उद्योग प्राइभेट लिमिटेडले रोजगारी प्रदान गर्ने सम्झौता भएको छ। क्याम्पसका विद्यार्थीहरूलाई लक्षित गरी महाकवि देवकोटा क्याम्पस र सर्वोत्तम सिमेन्ट उद्योग प्राइभेट लिमिटेडबिच गरिएको सम्झौता अनुसार उद्योगले क्याम्पसबाट हरेक वर्ष चार जना दक्ष जनशक्तिलाई उद्योगमा रोजगारी दिनेछ।

सर्वोत्तम सिमेन्ट उद्योगका महाप्रबन्धक नेत्र घिमिरेका अनुसार यसले एकातिर स्थानीय युवाहरूलाई रोजगारीको अवसर मिल्छ भने अर्कोतिर उद्योगले पनि योग्य र तालिमप्राप्त कर्मचारीहरू पाउँछ। हाम्रो लक्ष्य भनेको क्याम्पसबाट उत्पादित जनशक्तिलाई पलायन हुनबाट रोकेर उनीहरूको सीप र ज्ञानलाई यहीँ उपयोग गर्नु हो।

'क्याम्पसले विद्यार्थीहरूलाई सैद्धान्तिक ज्ञानका साथै व्यावहारिक सीपमा दक्ष बनाउँदै आएको छ। सर्वोत्तम सिमेन्टसँगको यो रोजगार सम्झौता हाम्रो शैक्षिक प्रयासको सफलता हो।' क्याम्पस सञ्चालन समितिका अध्यक्ष, कृष्ण लामिछाने भने,' विद्यार्थीहरूलाई क्याम्पसको पढाइ सकेपछि रोजगारीको ग्यारेन्टी दिन्छ। यो सहकार्यले क्याम्पसको शैक्षिक गुणस्तर र विद्यार्थीहरूको भविष्य उज्ज्वल बनाउन महत्त्वपूर्ण भूमिका खेल्नेछ।'

उद्योको मुख्य काराखाना सुनवल-११ मा रहेको छ। यो सम्झौता पश्चिम नवलपरासी क्षेत्रका विद्यार्थीहरूको लागि केहि भए पनि राहतको विषय बनेको छ। उच्च शिक्षा हासिल गरिसकेपछि रोजगारीका लागि भौँतारिनु पर्ने बाध्यतालाई यसले केही हदसम्म कम गर्ने अपेक्षा गरिएको छ।

शैक्षिक संस्थाले उद्योगको आवश्यकताअनुसारको जनशक्ति उत्पादन गर्ने र उद्योगले सोही जनशक्तिलाई प्राथमिकताका साथ रोजगारी दिने यो मोडेल अन्य शैक्षिक संस्था र उद्योगहरूका लागि पनि अनुकरणीय हुन सक्छ।

प्रकाशित मिति: आइतबार, कात्तिक ३०, २०८२ ११:४६