बाल पुन:स्थापना केन्द्रका अनाथ बालबालिकालाई शैक्षिक सामग्री वितरण

बालबालिका

गृहपृष्ठ
बालबालिका

बाल पुन:स्थापना केन्द्रका अनाथ बालबालिकालाई शैक्षिक सामग्री वितरण

ईडीयू सवाल मंगलबार, पुस १५, २०८२

काठमाडाैँ - पत्रकार महासंघ धनकुटा शाखाले मदन-आश्रित प्रतिष्ठानद्वारा श्रीपन्चमी पार्कमा संचालित बाल पुन:स्थापना केन्द्रका बालबालिकालाई शैक्षिक सामग्री प्रदान गरेको छ। धनकुटा जिल्ला शाखाको ३३ औं स्थापना दिवसको अवसर पारेर बालबालिकालाई शैक्षिक सामग्री वितरण गरिएको हो।

पत्रकार महासंघका संस्थापक सञ्जय सन्तोषी राई, पूर्वअध्यक्षहरु विजय सन्तोषी राई, नगेन्द्र राई, राजेश्वर श्रेष्ठ, मदन-आश्रित प्रतिष्ठानका अध्यक्ष गोपाल गुरागाईं लगायतले शैक्षिक सामग्री प्रदान गरे।

पत्रकार महासंघ धनकुटाका अध्यक्ष विदुर खवासले स्थापना दिवसमा स्रोत जुटाएर सामाजिक उत्तरदायित्व निर्वाहका लागि बालबालिकालाई सानो सहयोग गरेको बताए।

२०६४ सालमा द्वन्द्वपीडित बालबालिकाको संरक्षणका लागि स्थापना गरिएको केन्द्रमा अहिले १३ जना अनाथ बालबालिका संरक्षित छन्। उक्त केन्द्र स्थानीय तह, कोशी प्रदेश सरकार र दताहरुकै सहयोगमा चलिरहेको छ। पत्रकार सञ्जय सन्तोषी राई, गोपालप्रसाद अधिकारी, टंकबहादुर राई, विष्णुमान श्रेष्ठ, विजय सन्तोषी राई लगायतको पहलमा २०४९ सालमा पत्रकार महासंघ धनकुटाको स्थापना भएको थियो।

प्रकाशित मिति: मंगलबार, पुस १५, २०८२ ११:३९